కుబేర రిలీజ్ అప్పుడేనా?

ధ‌నుష్(dhanush), నాగార్జున(nagarjuna) ప్ర‌ధాన పాత్ర‌ల్లో శేఖ‌ర్ క‌మ్ముల(Shekar Kammula) ద‌ర్శ‌క‌త్వంలో తెర‌కెక్కుతున్న పాన్ ఇండియా సినిమా కుబేర‌(Kubera). ముంబై బ్యాక్ డ్రాప్ మాఫియా స్టోరీతో తెర‌కెక్కుతున్న ఈ సినిమా షూటింగ్ దాదాపు పూర్తి కావొస్తుంది. ప్ర‌స్తుతం షూటింగ్ చివ‌రి ద‌శ‌లో ఉంది. ఇప్ప‌టికే రిలీజైన పోస్ట‌ర్ల‌కు మంచి రెస్పాన్స్ కూడా వ‌చ్చింది. 

అయితే ఈ సినిమా ఎప్పుడు రిలీజ‌వుతుంద‌నే విష‌యంలో ఇప్ప‌టివ‌ర‌కు స‌రైన క్లారిటీ లేదు. తాజాగా దీనికి సంబంధించిన లీకులందుతున్నాయి. కుబేరను నెక్ట్స్ ఇయ‌ర్ ఫిబ్ర‌వ‌రి థ‌ర్డ్ వీక్ లో రిలీజ్ చేయాల‌ని మేక‌ర్స్ ప్లాన్ చేస్తున్నార‌ట‌. దానికి త‌గ్గ‌ట్టే పోస్ట్ ప్రొడ‌క్ష‌న్ వ‌ర్క్స్ ను కూడా ప్లాన్ చేసుకుంటున్నార‌ట. 

యాక్ష‌న్ థ్రిల్ల‌ర్ గా రూపొందుతున్న ఈ సినిమా కోసం శేఖ‌ర్ క‌మ్ముల మొద‌టిసారి త‌న జాన‌ర్ నుంచి బ‌య‌ట‌కు వ‌చ్చి చేస్తున్నాడు. ఇప్ప‌టివ‌ర‌కు శేఖ‌ర్ క‌మ్ముల చేసిన సినిమాలు ఫ్లాపైన దాఖ‌లాలు లేవు. హిట్ లేదా యావ‌రేజ్ గా మాత్ర‌మే నిలిచాయి. మ‌రి ఇద్ద‌రి స్టార్ల‌తో శేఖ‌ర్ క‌మ్ముల చేస్తున్న ఈ వినూత్న ప్ర‌యోగం ఆయ‌న‌కు ఎలాంటి ఫ‌లితాన్ని మిగులుస్తుందో చూడాలి.