విజ‌య్ వ‌ల్ల ట్రెండ్ అవుతున్న బాల‌య్య సినిమా
గ‌తేడాది రిలీజైన బాల‌కృష్ణ(Balakrishna) భగవంత్ కేసరి(Bhagavanth Kesari) సినిమా ఇప్పుడు స‌డెన్ గా ట్రెండ‌వుతుంది. దానికి కార‌ణం విజ‌య్(Vijay) హీరోగా హెచ్ వినోత్(H Vinod) ద‌ర్శ‌క‌త్వంలో తెర‌కెక్కుతున్న విజ‌య్69(Vijay69) సినిమానే. పాలిటిక్స్ లోకి వెళ్లేముందు విజ‌య్ చేస్తున్న చివ‌రి సినిమాగా ఇది రూపొందుతుంది. విజ‌య్69 భగవంత్ కేసరి సినిమాకు రీమేక్ అని గ‌త కొన్ని వారాలుగా నెట్టింట ప్ర‌చారం జ‌రుగుతూనే ఉంది.
కానీ అఫీషియ‌ల్ గా ఎలాంటి క‌న్ఫ‌ర్మేష‌న్ లేక‌పోవ‌డంతో ఇన్ని రోజులు ఇది నిజ‌మా కాదా అనే డౌట్ ఫ్యాన్స్ లో ఉంది. తాజా స‌మాచారం ప్ర‌కారం భగవంత్ కేసరి రీమేక్ రైట్స్ ను కెవిఎన్ సంస్థ(KVN Banner) కొన్న‌ట్లు తెలుస్తోంది. స్ట్ర‌యిట్ సినిమాగా తెర‌కెక్కుతుంద‌న్న విజ‌య్69 ఇలా రీమేక్ సినిమా అని తెలుసుకున్న విజ‌య్ ఫ్యాన్స్ కు ఇది షాకింగ్ న్యూసే.
కానీ అమ్మాయిల‌ను స్వ‌యం శ‌క్తితో ఎలా ప్రోత్స‌హించాల‌నే పాయింట్ పై అనిల్ రావిపూడి(Anil Ravipudi) తీసిన భగవంత్ కేసరి ఈ టైమ్ లో విజ‌య్ కు మంచి సినిమా అవుతుంద‌ని భావించే ఆయ‌న ఈ సినిమాకు గ్రీన్ సిగ్న‌ల్ ఇచ్చిన‌ట్లు స‌మాచారం. క‌మర్షియ‌ల్ ఎలిమెంట్స్ తో పాటూ మెసేజ్ కూడా ఉండ‌టంతో పొలిటిక‌ల్ ఎంట్రీకి ముందు విజ‌య్ కు ఇదే బెస్ట్ ఛాయిస్. అయితే విజ‌య్ 69 భగవంత్ కేసరి రీమేక్ అని తెలిసిన వెంట‌నే ఫ్యాన్స్ ఈ సినిమాను చూడ‌టం స్టార్ట్ చేశారు. ప్రైమ్ వీడియోలో ఈ సినిమా తెలుగుతో పాటూ త‌మిళ డ‌బ్బింగ్ వెర్ష‌న్ కూడా ఉండ‌టంతో వీలైనంత త్వ‌ర‌గా త‌మిళ ఆడియోని ప్రైమ్ నుంచి తొల‌గించ‌మ‌ని ఫ్యాన్స్ కోరుతున్నారు.
