స‌మంతపై క్లాసులో పాఠాలు
సౌత్ ఇండియ‌న్ ఫిల్మ్ ఇండ‌స్ట్రీలో స‌మంత(Samantha) క్రేజ్ గురించి ప్ర‌త్యేకంగా చెప్ప‌న‌క్క‌ర్లేదు. ఏ మాయ చేశావె(Ye maya chesave) సినిమాతో సినీ ఇండ‌స్ట్రీలోకి అడుగుపెట్టిన స‌మంత ఆ సినిమా త‌ర్వాత పదేళ్లు వెన‌క్కి తిరిగి చూసుకునే ప‌ని లేనంత బిజీ హీరోయిన్ గా మారిపోయింది. దాదాపు టాప్ హీరోలంద‌రితో ప‌లు సినిమాలు చేసిన స‌మంత నాగ చైత‌న్య(naga chaitanya)ను పెళ్లి చేసుకుని అంతా బావుంది అనుకునే టైమ్ కు వారిద్ద‌రూ విడిపోయారు.
చైతూ నుంచి విడిపోవ‌డం, అదే టైమ్ లో త‌న‌కు మ‌యోసైటిస్(Myositis) అనే వ్యాధి రావ‌డం, దాని వ‌ల్ల సినిమాల‌కు దూర‌మ‌వ‌డం ఇలా గ‌త కొన్నేళ్లుగా స‌మంత వ్య‌క్తిగ‌తంగా, కెరీర్ ప‌రంగా ఎన్నో ఇబ్బందులు ఎదుర్కొంది. కానీ అన్ని స‌మ‌స్య‌ల‌ను ఎదుర్కొని స‌మంత ఎంతో స్ట్రాంగ్ గా నిల‌బ‌డింది. ఇప్పుడు తాను కెరీర్ ప‌రంగా, ఆరోగ్య‌పరంగా మంచి స్థితిలో ఉన్న‌ట్లు స‌మంత రీసెంట్ గా ఓ ఇంట‌ర్వ్యూలో తెలిపింది.
అలాంటి స‌మంత జ‌ర్నీ గురించి క‌ల్ఆస్ రూమ్ లో పాఠాలు చెప్పి స్టూడెంట్స్ స్పూర్తి నింపుతున్నారు ఉపాధ్యాయులు. ఎక్క‌డనేది తెలీదు కానీ ట్విట్ట‌ర్ లో ఓ నెటిజ‌న్ త‌మ పాథాల‌జీ క్లాసులో స‌మంత టాపిక్ వ‌చ్చింద‌ని, ఆటో ఇమ్యూనిటీ చాప్ట‌ర్ గురించి చెప్తూ స‌మంత గురించి చెప్పార‌ని ఓ వీడియోను పోస్ట్ చేశాడు. ప్ర‌స్తుతం ఆ ట్వీట్ నెట్టింట వైర‌ల్ అవుతుంది.
