గుట్టు చప్పుడు కాకుండా ఓటీటీ లోకి వచ్చేసిన సుధీర్ బాబు లేటెస్ట్ మూవీ.. ఎక్కడో తెలుసా?

సుధీర్ బాబు నటించిన రీసెంట్ చిత్రం మా నాన్న సూపర్ హీరో అప్పుడే ఓటీటీ లోకి వచ్చేసింది. అక్టోబర్ 11న దసరా సందర్భంగా థియేటర్లలో విడుదలైన ఈ చిత్రం ప్రేక్షకుల నుంచి పాజిటివ్ రివ్యూ అందుకుంది. కానీ కలెక్షన్స్ పరంగా మాత్రం ఈ చిత్రం అనుకున్న రేంజ్ లో పెర్ఫార్మ్ చేయలేకపోయింది. హరోం హర మూవీ తర్వాత సక్సెస్ సాధించాలి అనే ఉద్దేశంతో సుధీర్ బాబు తన ఆశలని ఈ మూవీపై పెట్టుకున్నారు.. అయితే బాక్స్ ఆఫీస్ వద్ద ఈ చిత్రం కలెక్షన్స్ ని మాత్రం రాబట్ట లేక పోయింది.

ఇక ఈ చిత్రం బుధవారం నుంచి అమెజాన్ ప్రైమ్ వీడియోలో స్ట్రీమింగ్ అవుతోంది. అలాగే శుక్రవారం అంటే నవంబర్ 15 నుంచి ఈ చిత్రం ప్రముఖ ఓటీపీ ప్లాట్ఫామ్ జీ 5లో కూడా స్ట్రీమింగ్ అవుతుంది. భారీ ఫ్యామిలీ ఎమోషనల్ డ్రామాగా ప్రేక్షకుల ముందుకు వచ్చిన ఈ మూవీ లో తండ్రి కొడుకుల అనుబంధం ఎంతో హైలైట్ గా నిలుస్తుంది. ఇందులో సుధీర్ బాబు తండ్రిగా సాయాజి షిండే నటించారు. 

తల్లిదండ్రులను పోగొట్టుకొని అనాధగా మారిన ఓ బిడ్డను దత్తత తీసుకున్న తర్వాత అప్పుల పాలయ్యానని ఆ తండ్రి అతన్ని ద్వేషిస్తుంటాడు. కానీ బిడ్డ మాత్రం తండ్రిని ఓ సూపర్ హీరోగా ప్రేమిస్తూ.. అతను చేసిన అప్పులను తెలియకుండా తీరుస్తూ ఉంటాడు.ఇలాంటి సమయంలో అనుకోకుండా తండ్రి ఓ కేసులో ఇరుక్కొని జైలు పాలవుతాడు. తండ్రిని విడిపించడానికి ఆ కొడుకు చేసే ప్రయత్నాలు.. ఆ క్రమంలో అతనికి ఎదురయ్యే సవాళ్లతో ఈ చిత్రం ముందుకు సాగుతుంది. సుధీర్ బాబు ఈ మూవీతో తన కెరీర్ లో మొదటిసారి ఇటువంటి జోనర్ ని టచ్ చేసారు. థియేటర్లో నిరాశపరిచిన ఈ చిత్రం ఓటీటీ లో మంచి రెస్పాన్స్ అందుకుంటుంది అని చిత్ర బృందం భావిస్తున్నారు.