మ‌హేష్ కోసం ఆయ‌న్ను లైన్‌లోకి దింపిన జ‌క్క‌న్న
రాజ‌మౌళి(Rajamouli), మ‌హేష్ బాబు(Mahesh Babu) క‌ల‌యిక‌లో రానున్న SSMB29పై రోజురోజుకీ అంచ‌నాలు పెరుగుతున్నాయి. దుర్గా ఆర్ట్స్(Durga Arts) బ్యాన‌ర్ లో కెఎల్ నారాయ‌ణ(KL Narayana) నిర్మాణంలో రూపొంద‌నున్న ఈ మూవీ నిర్మాణంలో శోభు యార్ల‌గ‌డ్డ(Shobu Yarlagadda) కూడా జాయిన్ అవనున్న‌ట్లు తెలుస్తోంది. శోభు యార్ల‌గ‌డ్డ‌కు సినిమా నిర్మాణంలో ఎంతో గొప్ప అనుభ‌వముంది.
ఈ సినిమాకు శోభు ఎగ్జిక్యూటివ్ ప్రొడ్యూస‌ర్ గా వ్య‌వ‌హ‌రించ‌నున్న‌ట్లు స‌మాచారం. రాజ‌మౌళి సినిమాల్లో మ‌ర్యాద రామ‌న్న(Maryada Ramanna), బాహుబ‌లి(Baahubali) లాంటి సినిమాల‌కు శోభు నిర్మాత‌గానే కాకుండా మార్కెటింగ్ విష‌యంలో కూడా ఎంతో కీల‌క‌పాత్ర పోషించాడు. సినిమాను ప్ర‌పంచ‌వ్యాప్తంగా మార్కెటింగ్ చేయ‌డంలో రాజ‌మౌళికి శోభు ఎంతో సాయం చేశాడు.
బిజినెస్ యాంగిల్స్ లో కూడా శోభు మంచి మాస్ట‌ర్ మైండ్. ప్ర‌మోష‌న్స్ ఖ‌ర్చు విష‌యంలో శోభు విజన్ ది బెస్ట్ అని రాజ‌మౌళి ఎన్నో సార్లు చెప్పాడు. మ‌హేష్- రాజ‌మౌళి సినిమా పాన్ వ‌ర‌ల్డ్ లెవెల్ లో రూపొందుతున్న నేప‌థ్యంలో దాన్ని ఇంట‌ర్నేష‌న‌ల్ లెవెల్ లో ప్ర‌మోట్ చేయ‌డం ఎంతో ముఖ్యం. అందుకే రాజ‌మౌళి ఈ సినిమాకు శోభుని తీసుకున్న‌ట్లు తెలుస్తోంది.
