ప్రపంచవ్యాప్తంగా దీక్షా దివస్‌ : మహేశ్‌ బిగాల

తెలంగాణ రాష్ట్ర సాధన కోసం కేసీఆర్‌ ఆమరణ నిరాహార దీక్ష చేపట్టిన నవంబర్‌ 29న ప్రపంచవ్యాప్తంగా దీక్ష  దివస్‌ కార్యక్రమాన్ని చేపడతామని బీఆర్‌ఎస్‌ ఎన్నారై కో ఆర్డినేటర్‌ మహేశ్‌ బిగాల తెలిపారు. ఆనాడు తెలంగాణ సమాజం యావత్తు కేసీఆర్‌ వెంట నిలబడంతో కేంద్రం దిగొచ్చి తెలంగాణ రాష్ట్రం ఇచ్చిందని పేర్కొన్నారు. ఈ సందర్భంగా ఆనాటి దీక్షా దివస్‌ స్ఫూర్తి, అమరుల త్యాగాలు, పోరాటాలు ప్రపంచదేశాల్లో తెలిసేలా కార్యక్రమాలు నిర్వహించాలని పిలుపునిచ్చారు. ఈ మేరకు  ఆయన ఎమ్మెల్సీ కవితను మర్యాదపూర్వకంగా కలిసి చర్చించారు. రాబోయే రోజులో పార్టీని బలోపేతం చేయడంపై ఆమెతో మాట్లాడినట్లు వెల్లడించారు.