కాన్ఫిడెంట్ గా క‌నిపిస్తున్న మోక్షు
నంద‌మూరి బాల‌కృష్ణ(Nandamuri Balakrishna) కొడుకు మోక్ష‌జ్జ(Mokshagna) హీరోగా ప్ర‌శాంత్ వ‌ర్మ(Prasanth Varma) ద‌ర్శ‌క‌త్వంలో త‌న సినీ రంగ ప్ర‌వేశం చేయ‌నున్న విష‌యం తెలిసిందే. ఇప్ప‌టికే ఈ సినిమాను అధికారికంగా అనౌన్స్ చేశారు కూడా. ప్ర‌శాంత్ వ‌ర్మ సినిమాటిక్ యూనివ‌ర్స్ లో భాగంగా తెర‌కెక్కనున్న ఈ సూప‌ర్ హీరో మూవీ కోసం మోక్ష‌జ్ఞ లుక్ ప‌రంగా ఇప్ప‌టికే రెడీ అయిపోయాడు.
ఈ సినిమాను అనౌన్స్ చేస్తూ రిలీజ్ చేసిన ఫ‌స్ట్ లుక్ కు ఆడియ‌న్స్ నుంచి మంచి రెస్పాన్స్ వ‌చ్చింది. డిసెంబ‌ర్ 5న ఈ సినిమాను లాంచ్ చేయ‌డంతో పాటూ ఆ రోజున మ‌రో కొత్త పోస్ట‌ర్ ను కూడా రిలీజ్ చేయ‌నున్న‌ట్లు తెలుస్తోంది. ఇదిలా ఉంటే తాజాగా మోక్షుకు సంబంధించిన కొత్త లుక్ ఒక‌టి నెట్టింట వైర‌ల్ అవుతుంది.
ఈ ఫోటోలో మోక్ష‌జ్ఞ ఎవ‌రూ ఊహించ‌ని రీతిలో కొత్త‌గా కనిపిస్తున్నాడు. చెక్స్ ష‌ర్టుతో కాస్త షార్ప్ గా గెడ్డంతో, లాంగ్ హెయిర్ స్టైల్ తో ఎంతో కాన్ఫిడెంట్ లుక్స్ తో అంద‌రినీ ఎట్రాక్ట్ చేస్తున్నాడు. ప్ర‌శాంత్ వ‌ర్మ(Prasanth Varma) ఈ ఫోటోని షేర్ చేస్తూ రెడీ టూ స‌మ్ యాక్ష‌న్ అని హింట్ ఇచ్చాడు. దీన్ని బ‌ట్టి ప్ర‌శాంత్ వ‌ర్మ షూటింగ్ కు రెడీ అయిన‌ట్లు తెలుస్తోంది. మొద‌టి షెడ్యూల్ లో యాక్ష‌న్స్ సీన్స్ ను షూట్ చేసే అవ‌కాశాలున్నాయి. పాన్ ఇండియా స్థాయిలో రూపొంద‌నున్న ఈ సినిమా వ‌చ్చే ఏడాదిలో రిలీజ్ కానుంది. ఈ మూవీలో ర‌వీనా టండ‌న్(Raveena Tandon) కూతురు ర‌షా త‌దానీ(rasha tadani) హీరోయిన్ గా న‌టిస్తోంది.
