ఉషా వాన్స్‌ దంపతుల్ని ఆహ్వానించాలని చూస్తున్నా : సీఎం చంద్రబాబు

అమెరికా ఉపాధ్యక్షుడిగా జేడీ వాన్స్‌ బాధ్యతలు చేపట్టనుండటం పట్ల ఆంధ్రప్రదేశ్‌ ముఖ్యమంత్రి చంద్రబాబు హర్షం వ్యక్తం చేశారు. తెలుగు మూలాలున్న ఉషా వాన్స్‌ చరిత్ర సృష్టించారని చంద్రబాబు కొనియాడారు. ప్రపంచంలో ఉన్న తెలుగువారందరికీ ఇది గర్వకారణం. వారిని ఆంధ్రప్రదేశ్‌కు ఆహ్వానించే అవకాశం కోసం ఎదురుచూస్తున్నాను అని చంద్రబాబు తెలిపారు. డొనాల్డ్‌ ట్రంప్‌నకు చంద్రబాబు, లోకేశ్‌లు అభినందనలు తెలిపారు.