300 ఏళ్ల క్రితం విధానాలు ఇప్పటికీ.. ప్రజలను పీడిస్తున్నాయి

ఔరంగజేబు విధానాలు ఇప్పటికీ ప్రజలను పీడిస్తున్నాయని చేవెళ్ల ఎంపీ కొండా విశ్వేర్వర్‌రెడ్డి అన్నారు. బీజేపీ రాష్ట్ర కార్యాలయంలో ఆయన మీడియాతో మాట్లాడుతూ 300 ఏళ్ల క్రితం ఔరంగజేబు నోటి మాటతో భూములు ఇచ్చి ఉండొచ్చు. కానీ, నేడు కుప్పలు కుప్పలుగా డాక్యుమెంట్స్‌తో ఆ భూములు మావి అంటున్నారు. ప్రజాస్వామ్యంలో సుప్రీంకోర్టు కీలకం,  ఎవరైనా సుప్రీంకోర్టు ఆదేశాలు పాటించాల్సిందే. రాజ్యాంగానికి వ్యతిరేకంగా కాంగ్రెస్‌ పార్టీ వక్ఫ్‌ బోర్డును తీసుకొచ్చింది. సుప్రీంకోర్టుకు మించి వక్ప్‌ బోర్డుకు అధికారాలిచ్చారు. వక్ఫ్‌ బోర్డు అనేది ఒక క్రూరమైన హాస్యం. నవ్వాలో ఏడవాలో బాధపడాలో తెలియని పరిస్థితి. శీతాకాల సమావేశాల్లో వక్ఫ్‌బోర్డు బిల్లు పార్లమెంట్‌లో పాస్‌ అవుతుంది. వక్ఫ్‌ బోర్డు సవరణ చట్టం ముస్లిం సమాజానికి వ్యతిరేకం కాదు అని అన్నారు.