మ‌రోసారి ప‌వ‌న్‌పై అభిమానాన్ని చాటుకున్న నాని
ప‌వ‌న్ క‌ళ్యాణ్(pawan kalyan) ను ఎంత‌గానో ఇష్ట‌ప‌డే టాలీవుడ్ హీరోల్లో నేచుర‌ల్ స్టార్ నాని(nani) కూడా ఒక‌డు. నాని సినిమాల్లోకి రాక‌ముందే ప‌వ‌న్ కు ఎంతో పెద్ద ఫ్యాన్. సినిమాల్లోకి వచ్చాక ఆ అభిమానం ఇంకా పెరిగింది. ప‌వ‌న్ పాలిటిక్స్ లో వచ్చాక కూడా నాని ప‌వ‌న్ పై త‌న అభిమానాన్ని ఎప్ప‌టిక‌ప్పుడు బ‌య‌ట‌పెడుతూనే ఉన్నాడు.
ఏపీలో వైఎస్ జ‌గ‌న్(YS Jagan) అధికారంలో ఉన్న‌ప్పుడు సినీ హీరోలెవ‌రూ ఆయ‌న‌కు వ్య‌తిరేకంగా నోరు మెదిపింది లేదు. కానీ నాని మాత్రం టికెట్ రేట్ల విష‌యంలో ప‌వ‌న్ తో క‌లిసి పోరాడాడు. అంతేకాదు ఎల‌క్ష‌న్స్ ముందు కూడా ప‌వ‌న్ పార్టీ గెలవాల‌ని పోస్ట్ చేశాడు. దీంతో నానిని అప్ప‌ట్లో ప‌వ‌న్ ఫ్యాన్స్ ఎంతో మెచ్చుకున్నారు కూడా.
ఇప్పుడు ప‌వ‌న్ పై మ‌రోసారి నాని త‌న ఫ్యానిజాన్ని చాటుకున్నాడు. రానా ద‌గ్గుబాటి(rana daggubati) టాక్ షోలో ప‌వ‌న్ పొలిటిక‌ల్ జ‌ర్నీ గురించి నాని మాట్లాడాడు. ప‌వ‌న్ హీరోగా ఏంటో అంద‌రికీ తెలుస‌ని, కానీ రాజ‌కీయాల్లోకి వచ్చాక ప‌వ‌న్ వ్య‌క్తిగ‌తంగా ఏంటో అంద‌రికీ తెలిసిందనే ఫీలింగ్ త‌న‌కు క‌లిగింద‌ని, ప‌వ‌న్ చాలా గొప్ప వ్య‌క్తి అని నాని తెలిపాడు. త్వ‌ర‌లోనే ఈ ఎపిసోడ్ ప్రైమ్ వీడియోలో స్ట్రీమింగ్ కానుంది.
