బాలీవుడ్ లో ఎన్టీఆర్ మ‌రో సినిమా?

రీసెంట్ గా దేవ‌ర(devara) సినిమాతో సక్సెస్ అందుకున్న ఎన్టీఆర్(ntr) ఆ త‌ర్వాతి సినిమాను ప్ర‌శాంత్ నీల్(prasanth Neel) ద‌ర్శ‌క‌త్వంలో చేయ‌నున్న విష‌యం తెలిసిందే. వ‌చ్చే ఏడాది స్టార్టింగ్ లో ఈ సినిమా మొద‌లై 2026 సంక్రాంతికి ప్రేక్ష‌కుల ముందుకు రానున్న‌ట్లు మేక‌ర్స్ ఇప్ప‌టికే అనౌన్స్ చేశారు. మైత్రీ మూవీ మేక‌ర్స్(Mythri Movie makers) ఈ సినిమాను భారీ బ‌డ్జెట్ తో నిర్మించ‌నుంది. 

ఆర్ఆర్ఆర్(RRR) త‌ర్వాత నేష‌న‌ల్ వైడ్ త‌న‌కంటూ స్పెష‌ల్ మార్క్ క్రియేట్ చేసుకున్న తార‌క్(Tarak), ప్ర‌స్తుతం బాలీవుడ్ లో హృతిక్ రోష‌న్(Hrithik Roshan) తో క‌లిసి వార్2(War2) సినిమా చేస్తున్న విష‌యం తెలిసిందే. ఇందులో ఎన్టీఆర్ రోల్ నెవ‌ర్ బిఫోర్ అనేలా ఉంటుంద‌ని తెలుస్తోంది. వార్2 స్వాతంత్య్ర దినోత్స‌వం సంద‌ర్భంగా ఆగ‌స్ట్ 15న రిలీజ్ కానుంది. 

ఇదిలా ఉంటే ఇప్పుడు నెట్టింట ఓ ఇంట్రెస్టింగ్ న్యూస్ వినిపిస్తోంది. బాలీవుడ్ లో వార్2 త‌ర్వాత ఎన్టీఆర్ మ‌రిన్ని సినిమాలు చేయాల‌ని చూస్తున్నాడ‌ని, స్టార్ డైరెక్ట‌ర్ల‌తో ప‌ని చేయడానికి ఎన్టీఆర్ ఆస‌క్తి చూపిస్తున్నాడ‌ని, వార్2 నిర్మాణ సంస్థ య‌ష్ రాజ్ ఫిల్మ్స్(Yash Raj Films) బ్యాన‌ర్ లోనే ఎన్టీఆర్ మ‌రో సినిమా తీయ‌డానికి రెడీ అయిన‌ట్లు టాక్ వినిపిస్తోంది. ఈ మేర‌కు ఇప్ప‌టికే ఆదిత్య చోప్రా(Aditya Chopra), ఎన్టీఆర్ మ‌ధ్య డిస్క‌ష‌న్స్ జ‌రిగాయని నెట్టింట ప్ర‌చారం జ‌రుగుతుంది. వార్2 రిలీజ్ కు ముందే ఈ సినిమా గురించి అనౌన్స్మెంట్ రానుందంటున్నారు. మ‌రి ఇందులో నిజ‌మెంత‌న్న‌ది తెలియాలంటే ఇంకొన్ని రోజులు ఆగాల్సిందే.