డల్లాస్ లో వీఎన్ ఆదిత్య మూవీ ఆడిషన్స్
![డల్లాస్ లో వీఎన్ ఆదిత్య మూవీ ఆడిషన్స్](https://www.telugutimes.net/storage/news/news_new_75672.jpg)
టాలీవుడ్ లో మనసంతా నువ్వే, నేనున్నాను వంటి బ్లాక్ బస్టర్ హిట్ చిత్రాలను తెరకెక్కించిన దర్శకుడు వీఎన్ ఆదిత్య తనకంటూ ప్రత్యేక గుర్తింపును తెచ్చుకున్నారు. ప్రస్తుతం ఆయన డైరెక్షన్ లో తెరకెక్కిన కొన్ని సినిమాలు రిలీజ్ కు రెడీగా ఉన్నాయి. ఇక ఈ క్రమంలో వీఎన్ ఆదిత్య డైరెక్షన్ లో త్వరలో ఓ ప్రాజెక్ట్ స్టార్ట్ కాబోతుంది.
ఓఎంజీ ప్రొడక్షన్ హౌస్ అనే కొత్త నిర్మాణ సంస్థ నుండి ఈ ప్రాజెక్ట్ రానుండగా.. డాక్టర్ మీనాక్షి అనిపిండి ఈ సినిమాను ప్రొడ్యూస్ చేస్తున్నారు. కాగా, ఈ సినిమా కోసం జూలై 7న అమెరికాలోని టెక్సాస్ రాష్ట్రంలోని డల్లాస్ నగరంలో లాకింట బంకేట్ హాల్లో నిర్మహించిన ప్రెస్ మీట్ లో ఈ సినిమా అనౌన్స్ మెంట్ చేశారు. అయితే సినిమాకు సంబంధించి తాజాగా ఓఎంజీ ప్రొడక్షన్ హౌస్ ఆడిషన్స్ నిర్వహించింది.
ఈ ఆడిషన్స్ లో ప్రవాస భారతీయులతో పాటు విదేశీయులు కూడా భారీ సంఖ్యలో పాల్గొన్నారు. దేశం కాని దేశంలో ఓ తెలుగు సినిమా ఆడిషన్ కి ఇంతటి రెస్పాన్స్ రావడంపై మేకర్స్ హర్షం వ్యక్తం చేశారు. ఇక ఈ కార్యక్రమం విజయవంతం కావడానికి సహకరించిన డల్లాస్ మూవీ బఫ్స్ వాట్సప్ గ్రూప్, డల్లాస్ ప్రొడ్యూసర్స్ వాట్సప్ గ్రూప్, ఫేస్ బుక్ పేజెస్ అడ్మిన్స్ కి మేకర్స్ మనస్పూర్తిగా ధన్యవాదాలు తెలిపారు.
![praneet](https://www.telugutimes.net/storage/advertisements/Vsm2eUuftqAuwqckOyAfDyqn1EFdTmpQY9wbTeHO.jpg)
![praneet](https://www.telugutimes.net/storage/advertisements/RNwHnj7MXzO9l4WQ9eDQCnxNeUMnfE86iSZsIX1e.jpg)
![praneet](https://www.telugutimes.net/storage/advertisements/x4YtAuthlgCi8SBjrvlkSJntYRhQUuOZF67Peh2J.jpg)
![ASBL](https://www.telugutimes.net/storage/advertisements/LSdaO4EI5wmVbOprwPdTBLjMgLr0NrKLWkmNXByu.jpg)
![Radhey Skye]( https://www.telugutimes.net/storage/advertisements/mSxNVVoW52QKnvqQWkxPYAoWD0XGyVI9KA4d2BE7.jpg)