ఈవారం ఓటీటీ లో సందడి చేయబోతున్న దీపావళి సినిమాలు ఇవే..

తెలుగు సినీ ఇండస్ట్రీలో పండగ అంటే సినిమాలు కంపల్సరిగా వస్తాయి. అయితే కొన్ని సందర్భాలలో పండక్కి వచ్చిన సినిమాలు అన్ని సక్సెస్ సాధించవు. కానీ ఈసారి దీపావళికి విడుదలైన అన్ని సినిమాలు ఒకదాన్ని మించి ఒకటి తగ్గేదే లేదన్నట్టు పర్ఫామెన్స్ ఇచ్చాయి. 100% ఆక్యుపెన్ తో బాక్సాఫీస్ వద్ద కాసుల వర్షం కురిపించాయి. అయితే వీటిలో తెలుగు చిత్రాలతో పాటు డబ్బింగ్ చిత్రాలు కూడా ఉండడం విశేషం. ఇక దీపావళికి విడుదలైన ఈ చిత్రాలు ఈ వారం ఏ ఓటీటీ ప్లాట్ ఫామ్ లో విడుదల చేయబోతున్నారో ఓ లుక్కేద్దాం పదండి..

అమరన్:

శివ కార్తికేయన్, సాయి పల్లవి కాంబోలో వచ్చిన ఓ సోల్జర్ స్టోరీ అమరన్. తమిళ్, తెలుగు భాషల్లో విడుదలైన ఈ చిత్రం భారీ విజయాన్ని నమోదు చేసుకుంది. ఇక ఇందులో శివ కార్తికేయన్, సాయి పల్లవి తమ నటనకు విమర్శకుల ప్రశంసలు కూడా అందుకున్నారు. బాక్సాఫీస్ వద్ద ఎన్నో రికార్డులను బద్దలు కొట్టే రేంజ్ కలెక్షన్ సాధించిన ఈ చిత్రం నవంబర్ 29న నెట్ఫ్లిక్స్ లో స్ట్రీమింగ్ కాబోతోంది.

కా:

కిరణ్ అబ్బవరం హీరోగా వచ్చిన కా మూవీ కూడా బాక్సాఫీస్ వద్ద ఓ రేంజ్ లో వసూలు రాబట్టింది. 12 కోట్ల అతి తక్కువ బడ్జెట్ తో తెరకెక్కిన ఈ చిత్రం ప్రొడ్యూసర్ కి ,డిస్ట్రిబ్యూటర్ కి లాభాల పంట పండించింది. ఇక ఈ మూవీ ఈటీవీ విన్ ప్లాట్ ఫామ్ లో ఈనెల 29న ప్రేక్షకుల ముందుకి రాబోతోంది.

లక్కీ బాస్కర్

టాలీవుడ్ తో పాటు.. పాన్ ఇండియా రేంజ్ లో దుల్కర్ సల్మాన్ ఇమేజ్ పెంచిన చిత్రం లక్కీ భాస్కర్. ఒక సాధారణ బ్యాంక్ ఎంప్లాయి.. చేసిన ఓ చిన్న రిస్క్ అతని ఎక్కడికో తీసుకు వెళుతుంది. బ్యాంకింగ్ వ్యవస్థ, స్టాక్ మార్కెట్, మధ్యతరగతి మనస్తత్వాలను అడ్డం పట్టేలా ముందుకు సాగే ఈ మూవీ స్టోరీ అందరినీ ఆకట్టుకుంది. దుల్కర్ సల్మాన్ కెరీర్ లో 100 కోట్ల క్లబ్ లోకి చేరిన తొలి చిత్రం ఇదే కావడం గమనార్హం. ఇక ఈ మూవీ నవంబర్ 30న నెట్ఫ్లిక్స్ ప్లాట్ఫామ్ లో స్ట్రీమింగ్ అవుతుంది.