రామ్మూర్తినాయుడు మరణంపై చంద్రబాబుకు సానుభూతి తెలిపిన డిప్యూటీ సీఎం పవన్

ఆంధ్రప్రదేశ్ సీఎం చంద్రబాబు సోదరుడు రామ్మూర్తినాయుడు మరణంపై డిప్యూటీ సీఎం పవన్ కల్యాణ్ ఆవేదన వ్యక్తం చేశారు. రామ్మూర్తినాయుడు అనారోగ్య సమస్యలతో మరణించారని తెలిసి తీవ్ర మనోవేదనకు గురైనట్లు ఆయన తెలిపారు. సోదరుని మరణంతో బాధపడుతున్న సీఎం చంద్రబాబుకు సానుభూతి తెలియజేశారు. రామ్మూర్తినాయుడి కుమారుడు, సినీ హీరో నారా రోహిత్‌కు, ఆయన కుటుంబసభ్యులకు సంతాపం తెలియజేసిన పవన్.. మహారాష్ట్ర ఎన్నికల ప్రచార కార్యక్రమాల్లో ఉండటం వల్ల అంత్యక్రియలకు హాజరుకాలేకపోతున్నానని తెలియజేశారు. రామ్మూర్తి ఆత్మకు శాంతి చేకూరాలని భగవంతుడిని ప్రార్థిస్తున్నట్లు చెప్పారు.