దేశానికే రోల్‌ మోడల్‌గా తెలంగాణ : మహేశ్‌కుమార్‌ గౌడ్‌
బీఆర్‌ఎస్‌ ప్రభుత్వం రాష్ట్ర ప్రజల ఆకాంక్షలు నెరవేర్చలేకపోయిందని, రాష్ట్రాన్ని అన్ని విధాలుగా దోచుకుందని పీసీసీ అధ్యక్షుడు మహేశ్‌ కుమార్‌ గౌడ్‌ ఆరోపించారు. హనుమకొండలో నిర్వహించిన మీడియాతో సమావేశంలో మహేశ్‌కుమార్‌ మాట్లాడుతూ పదేళ్లలో తెలంగాణలో అభివృద్ధి జరగలేదని, కేవలం దోపిడీనే జరిగిందన్నారు. గత ప్రభుత్వం కంటే మెరుగైన పాలనను అందిస్తున్నామన్నారు. సామాజిక మాధ్యమాల్లో ఇష్టం వచ్చినట్లు పోస్టులు పెడుతున్నారు. ప్రతిపక్ష పార్టీగా వ్యవహరించడంలో బీఆర్‌ఎస్‌ పూర్తిగా విఫలమైంది. అధికారం కోల్పోయామనే అసహనంతో కేటీఆర్‌ మాట్లాడుతున్నారు. వచ్చే ఎన్నికల నాటికి బీఆర్‌ఎస్‌ ఉండదు. ఐదేళ్లలో బీఆర్‌ఎస్‌ ఇచ్చిన ఉద్యోగాల కన్నా ఏడాది వ్యవధిలో కాంగ్రెస్‌ పార్టీ ఇచ్చిన ఉద్యోగాలే ఎక్కువ. దేశం మొత్తం తెలంగాణ వైపు చూస్తోంది. మిగతా రాష్ట్రాల్లోనూ తెలంగాణ తరహా పథకాలు కావాలని అడుగుతున్నారు. కులగణనతో దేశానికే రోల్‌ మోడల్‌గా తెలంగాణ నిలుస్తోంది. సంక్షేమం, అభివృద్ధిలో బీఆర్‌ఎస్‌ నేతలతో చర్చకు సిద్ధం. అన్ని రకాలుగా ప్రజలను మెప్పించాం. అందుకే విజయోత్సవ సభలు నిర్వహిస్తున్నాం. వరంగల్‌ విజయోత్స సభకు ఇందిరా మహిళా శక్తి సభగా నామకరణం చేశాం అని తెలిపారు.
