ప్రధాని మోదీ విశాఖ పర్యటన రద్దు

ప్రధాని నరేంద్ర మోదీ విశాఖ పర్యటన రద్దయింది. ఆంధ్రప్రదేశ్‌లో తుపాను హెచ్చరికల నేపథ్యంలో ఈ నెల 29న జరగాల్సిన ఆయన పర్యటనను రద్ద చేస్తూ పీఎంవో నిర్ణయించింది. మోదీ పర్యటన నేపథ్యంలో విశాఖలోని ఏయూ ఇంజినీరింగ్‌ కళాశాల మైదానంలో లక్ష మందితో భారీ బహిరంగ సభ నిర్వహించేందుకు ఏర్పాట్లు చేస్తున్న విషయం తెలిసిందే. ఈ పర్యటనలో భాగంగా అనకాపల్లి పూడిమడకలోని ఎన్టీపీసీ గ్రీన్‌ హైడ్రోజన్‌ హబ్‌ శంకుస్థాపనతో పాటు కొన్ని  రైల్వే ప్రాజెక్టులు,  జాతీయ రహదారులను జాతికి అంకితం చేయాల్సి ఉంది. కానీ, తుపాను ప్రభావం నేపథ్యంలో  ఆయన పర్యటన రద్దయినట్లు ప్రధాని కార్యాలయం వెల్లడిరచింది.