పూజా ఆశ‌ల‌న్నీ దానిపైనే

రెండేళ్ల ముందు వ‌ర‌కు టాలీవుడ్ లో టాప్ హీరోయిన్ గా ఓ వెలుగు వెలిగిన పూజా హెగ్డే(Pooja Hegde) కు ప్ర‌స్తుతం పెద్ద‌గా ఆఫ‌ర్లు రావ‌డం లేదు. టాలీవుడ్ లో దాదాపు స్టార్ హీరోలంద‌రితో న‌టించిన పూజాతో సినిమా చేయ‌డానికి ఇప్పుడు ఎవ‌రూ ఇంట్రెస్ట్ చూపించ‌డం లేదు. దీంతో టాలీవుడ్ లో పూజాకి అవ‌కాశాలు తగ్గిపోయాయ‌ని అంద‌రూ అభిప్రాయప‌డుతున్నారు.

బాలీవుడ్ ఆఫ‌ర్లు వ‌స్తున్న‌ప్ప‌టికీ అవేవీ పూజాకి మంచి విజ‌యాన్ని అందించ‌లేక‌పోతున్నాయి. దీంతో పూజా ఇండ‌స్ట్రీలో కంటిన్యూ అవ‌డం క‌ష్ట‌మే అనుకున్న టైమ్ లో కోలీవుడ్ లో సూర్య(Suriya) స‌ర‌స‌న ఓ ఆఫ‌ర్ వ‌చ్చింది. కార్తీక్ సుబ్బ‌రాజ్(Karthik Subbaraj) ద‌ర్శ‌క‌త్వంలో తెర‌కెక్కుతున్న ఈ సినిమా గురించి తాజాగా పూజా ఆస‌క్తిక‌ర విష‌యాల‌ను వెల్ల‌డించింది.

కార్తీక్ సుబ్బ‌రాజ్ సినిమా అన‌గానే భారీ యాక్ష‌న్ సీన్స్ ఉంటాయ‌ని అంతా అనుకుంటారు. కానీ ఈ సినిమాలో అలా కాద‌ని, యాక్ష‌న్ తో పాటూ ల‌వ్ స్టోరీ కూడా ఉంటుంద‌ని, త‌న‌కు సూర్య‌కు మ‌ధ్య వ‌చ్చే సీన్స్ ఆడియ‌న్స్ ను ఇంప్రెస్ చేస్తాయ‌ని, క‌థ‌లో త‌న పాత్ర ఎంతో కీల‌కంగా ఉంటుంద‌ని చెప్పుకొచ్చింది పూజా హెగ్డే. చూస్తుంటే పూజా ఆశ‌ల‌న్నీ సూర్య సినిమాపైనే పెట్టుకున్న‌ట్లు అనిపిస్తోంది.