పూజాకు విజ‌య్ చాలా స్పెష‌ల్
పూజా హెగ్డే(Pooja hegde) మ‌ళ్లీ సౌత్ లో కంబ్యాక్ అవుతున్న విష‌యం తెలిసిందే. సౌత్ నుంచి నార్త్ లోకి వెళ్లిన పూజా మ‌ళ్లీ తిరిగి సౌత్ కు వ‌చ్చేసింది. బాలీవుడ్ లో వ‌రుస ఫ్లాపులు త‌న‌కు అవ‌కాశాలు రాకుండా చేశాయి. దీంతో తిరిగి పూజా బ్యాక్ టూ సౌత్ అనేసింది. అలా బాలీవుడ్ కు వెళ్లొచ్చిన హీరోయిన్ల‌కు సాధార‌ణంగా అవ‌కాశాలు రావు.
కానీ పూజా ల‌క్ మామూలుగా లేదు. త‌న‌కు తెలుగు, త‌మిళంలో ఆఫ‌ర్లొచ్చాయి. ప్ర‌స్తుతం పూజా, విజ‌య్69(Vijay69) సినిమాలో హీరోయిన్ గా న‌టిస్తుంది. ఇప్ప‌టికే సినిమా షూటింగ్ మొద‌ల‌వ‌గా, తాజాగా పూజా కూడా షూటింగ్ లో జాయినైంది. నిన్న‌టి ఉంచి టీమ్ తో క‌లిసి వ‌ర్క్ చేస్తోంది. విజ‌య్ సినిమా త‌ర్వాతే బాలీవుడ్ కు వెళ్లిన పూజా ఇప్పుడు మ‌ళ్లీ అదే విజ‌య్ సినిమాతో కంబ్యాక్ అవుతుంది.
రెండున్న‌రేళ్ల ముందు విజ‌య్ బీస్ట్(Beast) లో న‌టించిన పూజా త‌ర్వాత మ‌ళ్లీ మ‌రో కోలీవుడ్ సినిమా చేసింది లేదు. బాలీవుడ్ లో బిజీగా ఉండ‌టం వ‌ల్ల సౌత్ సినిమాలపై పూజా ఫోక‌స్ చేయ‌లేదు. అలా కోలీవుడ్ కు దూర‌మైన పూజా ఇప్పుడు మ‌ళ్లీ విజ‌య్ సినిమాతో కంబ్యాక్ అవ‌డం విశేషం. ఇదంతా చూసి పూజాకు విజ‌య్ ఎంతో స్పెష‌ల్ అని ఆమె ఫ్యాన్స్ అభిప్రాయ‌ప‌డుతున్నారు. దీంతో పాటూ పూజా సూర్య44(Suriya44)లో కూడా హీరోయిన్ గా న‌టిస్తున్న విష‌యం తెలిసిందే.
