రాబిన్‌హుడ్ లో కామెడీతో పాటూ ఆ సీన్లు కూడా!

టాలీవుడ్ యంగ్ హీరో నితిన్(nithin) గ‌త కొన్ని సినిమాలుగా వ‌రుస ఫ్లాపులు ఎదుర్కొంటున్నాడు. ప్ర‌స్తుతం నితిన్ త‌న‌కు భీష్మ(Bheeshma) లాంటి బ్లాక్ బ‌స్ట‌ర్ ను అందించిన వెంకీ కుడుముల(Venky Kudumula) ద‌ర్శ‌క‌త్వంలో రాబిన్ హుడ్(Robbinhood) చేస్తున్నాడు. ఈ సినిమా డిసెంబ‌ర్ 20న థియేట‌ర్ల‌లోకి రానుంది. అవుట్ అండ్ అవుట్ ఎంట‌ర్టైన‌ర్ గా ఈ సినిమా తెర‌కెక్కుతున్న‌ట్లు టాక్ వ‌చ్చింది. 

నితిన్, వెంకీ కాంబోలో వ‌చ్చిన భీష్మ లానే రాబిన్ హుడ్ కూడా ఉంటుంద‌ని అంద‌రూ అనుకున్నారు. కానీ రాబిన్ హుడ్ లో ప‌వ‌ర్ఫుల్ యాక్ష‌న్ ఎలిమెంట్స్ కూడా ఉంటాయ‌ని, నితిన్ ఈ సినిమాలో ఓ సూప‌ర్ హీరోలా థ్రిల్ ఇస్తాడ‌ని అంటున్నారు. తాజాగా ఈ సినిమా నుంచి రిలీజైన పోస్ట‌ర్ లో నితిన్ మాస్క్ పెట్టుకుని చాలా ఇంటెన్స్ గా క‌నిపిస్తున్నాడు. రాబిన్ హుడ్ లో నితిన్ దొంగ‌గా క‌నిపించ‌నున్న సంగ‌తి తెలిసిందే. ఈ సినిమాలో ఎంట‌ర్టైన్మెంట్ తో పాటూ యాక్ష‌న్ ఎలిమెంట్స్ కూడా ఉంటాయంటున్నారు. టీజ‌ర్ రిలీజైతే సినిమా కంటెంట్ పై ఓ క్లారిటీ వ‌చ్చే అవ‌కాశ‌ముంది. వ‌రుస ఫ్లాపుల్లో ఉన్న నితిన్ ఎలాగైనా రాబిన్ హుడ్ తో మంచి క‌మ‌ర్షియ‌ల్ స‌క్సెస్ అందుకోవాల‌ని చూస్తున్నాడు. మ‌రి నితిన్ ఆశ‌ల‌ను రాబిన్ హుడ్ సినిమా ఏ మేర‌కు నెర‌వేరుస్తుందో చూడాలి.