రాజా సాబ్ గురించి ఊరిస్తున్న నిర్మాత‌

ఇప్ప‌టివ‌ర‌కు డైరెక్ట‌ర్ మారుతి(Maruthi) మీడియం రేంజ్ సినిమాలే చేస్తూ వ‌చ్చాడు. అలాంటి మారుతి ద‌ర్శ‌క‌త్వంలో ప్ర‌భాస్(Prabhas) సినిమా అన‌గానే అప్ప‌ట్లో అంద‌రూ షాకయ్యారు. కానీ ఇప్పుడు ది రాజా సాబ్(The Raja Saab) సినిమాపై అంచ‌నాలు నెక్ట్స్ లెవెల్ లో ఉన్నాయి. మొద‌ట్లో రాజా సాబ్ మీడియం రేంజ్ సినిమా అనుకున్నారు కానీ ఇప్పుడు ఈ సినిమా కూడా మిగిలిన ప్రభాస్ ప్రాజెక్టుల్లానే పెద్ద సినిమాగా మారింది.

రాజా సాబ్ చిత్ర నిర్మాత టి.జి విశ్వ ప్ర‌సాద్(TG Viswa Prasad) మాట‌ల్ని బ‌ట్టి చూస్తుంటే ఈ సినిమా ఓ మాగ్న‌మ్ ఓప‌స్ లా తెర‌కెక్కుతుంద‌ని, ఆయ‌న తాజాగా ఓ ఇంట‌ర్వ్యూలో రాజా సాబ్ గురించి చేసిన వ్యాఖ్య‌లు ఫ్యాన్స్ కు ఫుల్ జోష్ ను క‌లిగిస్తున్నాయి. రాజా సాబ్ స్థాయి వేర‌ని, క‌థ ప‌రంగా ఎవ‌రూ ఊహించ‌ని స్థాయిలో రాజా సాబ్ ఉంటుంద‌ని ఆయ‌న తెలిపారు.

అంతేకాదు రాజా సాబ్ స్కేల్, స్పాన్ చాలా పెద్ద‌వ‌ని సెట్స్, వీఎఫ్ఎక్స్ భారీగా ఉంటాయ‌ని, ఈ కామెడీ ఎంట‌ర్టైన‌ర్ ను మారుతి నెక్ట్స్ లెవెల్ లో రూపొందిస్తున్నాడ‌ని ప్ర‌భాస్ క్యారెక్ట‌ర్ డార్లింగ్ గానూ మ‌రియు లార్జ‌ర్ దెన్ లైఫ్ స్టైల్ లో ఉంటుంద‌ని తెలిపారు. మొత్తానికి మారుతి ప్ర‌భాస్ ఫ్యాన్స్ కోసం ఏదో గ‌ట్టిగానే ప్లాన్ చేసిన‌ట్టు అర్థ‌మ‌వుతుంది.