పూరీ నెక్ట్స్ ఆ హీరోతోనేనా?

ఒక‌ప్పుడు ఇండ‌స్ట్రీ హిట్లు అందుకున్న డాషింగ్ డైరెక్ట‌ర్ పూరీ జ‌గ‌న్నాథ్(Puri Jagannadh) ఇప్పుడు ఎలాంటి ప‌రిస్థితుల్లో ఉన్నాడో తెలిసిందే. ఇస్మార్ట్ శంక‌ర్(ismart Shankar) త‌ర్వాత పూరీకి హిట్ ప‌డ‌లేదు. లైగ‌ర్(Liger), డ‌బుల్ ఇస్మార్ట్ (Double Ismart) సినిమాల‌తో వ‌రుస డిజాస్ట‌ర్లు అందుకున్న పూరీ ప‌రిస్థితి ఇప్పుడు దారుణంగా మారింది. దీంతో పూరీ నెక్ట్స్ ఏ హీరోతో సినిమా తీయ‌నున్నాడ‌నేది ఆస‌క్తిక‌రంగా మారింది.

పూరీ ఉన్న సిట్యుయేష‌న్స్ కు ఇప్పుడు స్టార్ హీరోలెవ‌రూ అత‌నితో సినిమాలు చేయ‌రు. టైర్2 హీరోలు కూడా రిస్క్ తీసుకునేలా క‌నిపించడం లేదు. మ‌రి ఇలాంటప్పుడు పూరీతో ఎవ‌రు సినిమా చేస్తార‌నేదానికి ఓ హీరో పేరు వినిపిస్తోంది. అత‌నే సందీప్ కిష‌న్(Sundeep Kishan). న‌టుడిగా ఎన్నో సినిమాలు చేసిన సందీప్ కు క‌ష్టానికి త‌గ్గ స‌క్సెస్ మాత్రం ద‌క్క‌డం లేదు.

ఈ నేప‌థ్యంలో వీరిద్ద‌ర్నీ క‌లుపుతూ పూరీ ఫ్రెండ్, సందీప్ మేన‌మామ ఛోటా కె నాయుడు(Chota K Naidu) రంగంలోకి దిగిన‌ట్లు స‌మాచారం. వీరిద్ద‌రి కాంబోలో ఓ సినిమా సెట్ చేయాల‌ని చూస్తున్నాడ‌ట ఛోటా. పూరీ స‌రైన క‌థ రాస్తే ఆ క‌థే స్టార్ హీరోగా మారుతుంది. పూరీ క‌థ సెట్ చేయ‌డ‌మే లేట్ వీరి కాంబోలో సినిమా రానుంద‌ని ఇన్‌సైడ్ టాక్.