పుష్ప‌2 ఓ ప‌నైపోయిందిగా!

ఇండియాస్ మోస్ట్ అవెయిటెడ్ సినిమాల్లో ఒక‌టైన పుష్ప‌2(pushpa2) రిలీజ్ కు గ‌ట్టిగా మాట్లాడుకుంటే మ‌రో 10 రోజులే టైముంది. ఇలాంటి పాన్ ఇండియా సినిమాకు ఇప్ప‌టికే షూటింగ్ పూర్తైపోవాల్సిది. కానీ సుకుమార్ గురించి తెలిసిందేగా. ఆఖ‌రి నిమిషం వ‌ర‌కు సినిమా బావుండాల‌ని దాన్ని చెక్కుతూ ఉంటాడు. బెస్ట్ అవుట్‌పుట్ కోసం సుకుమార్(sukumar) ఎంతో త‌ప‌న ప‌డుతుంటాడు.

పుష్ప‌2 షూటింగ్ బాగా లేట‌వుతుంద‌ని తెలియ‌డంతో డిసెంబ‌ర్ 5కైనా ఈ సినిమా రిలీజ‌వుతుంద‌నుకున్నారు కానీ గ‌త రెండు మూడు వారాలుగా టీమ్ రేయింబ‌వ‌ళ్లు క‌ష్ట‌ప‌డ‌టంతో ఈ సినిమా షూటింగ్ ను పూర్తి చేయ‌గ‌లిగారు. తాజా స‌మాచారం ప్ర‌కారం పుష్ప‌2 షూటింగ్ పూర్త‌యింద‌ని తెలుస్తోంది.

బ‌న్నీ(bunny)- శ్రీలీల(Sreeleela) మీద స్పెష‌ల్ సాంగ్ పూర్త‌య్యాక‌, పుష్ప3(pushpa3) లీడ్ తో పాటూ ప్యాచ్ వ‌ర్క్ ను కూడా పూర్తి చేసిన టీమ్, గ‌త మూడు రోజులుగా బ‌న్నీ(Allu arjun)-ర‌ష్మిక(Rashmika Mandanna) మీద చివ‌రి సాంగ్ ను షూట్ చేస్తోంది. అన్న‌పూర్ణ స్టూడియో, సార‌థి స్టూడియోలో ఈ సాంగ్ షూటింగ్ జ‌రిగింది. ఆ సాంగ్ తో సినిమా షూటింగ్ పూర్త‌యిందని స‌మాచారం. మ‌రో రెండు మూడు రోజుల్లో సినిమా ఫ‌స్ట్ కాపీ రెడీ చేసి సినిమాను సెన్సార్ కు పంపాల‌ని చూస్తున్నారు ద‌ర్శ‌క‌నిర్మాత‌లు. చివ‌రి వారం రోజులు పుష్ప‌2ను దేశ‌వ్యాప్తంగా ప్ర‌మోట్ చేయ‌నున్నారు.