పుష్ప‌2 కొత్త అప్డేట్

ఐకాన్ స్టార్ అల్లు అర్జున్ హీరోగా న‌టిస్తున్న పుష్ప‌2 సినిమా కోసం దేశ‌మంతా ఎంతో ఆస‌క్తిగా ఎదురుచూస్తున్నారు. పుష్ప సినిమా స‌క్సెస్ ఈ సినిమాపై మ‌రిన్ని అంచ‌నాల‌ను పెంచేసింది. రిలీజ్ లేట్ అయినా స‌రే ప‌బ్లిక్ అటెన్ష‌న్ మాత్రం ఇప్ప‌టికీ అంతే ఉంది. పుష్ప‌2 నుంచి వ‌చ్చిన రెండు సాంగ్స్ సూప‌ర్ హిట్ అవ‌డంతో ఈ సినిమా పుష్ప‌ని మించి ఉంటుంద‌ని ఫ్యాన్స్ భావిస్తున్నారు.

ఇప్ప‌టికే ఈ సినిమా స్క్రిప్ట్ ప‌రంగా సుకుమార్ చాలా మార్పులు చేశాడ‌ట‌. అందుకే షూటింగ్ బాగా లేట‌వుతున్న‌ట్లు తెలుస్తోంది. డిసెంబ‌ర్ 6న ప్ర‌పంచ వ్యాప్తంగా రిలీజ్ కానున్న ఈ సినిమాకు సంబంధించిన క్లైమాక్స్ సీక్వెన్స్‌ను తెర‌కెక్కించిన‌ట్లు తెలుస్తోంది. ఓ వైపు షూటింగ్ జ‌రుగుతుండ‌గానే ఎడిటింగ్ వ‌ర్క్స్ కూడా సుకుమార్ పూర్తి చేసే ప‌నిలో ఉన్నార‌ట‌.

పుష్ప సినిమాలోని స్పెష‌ల్ సాంగ్ ఊ అంటావా లాంటి పాట‌ను పుష్ప‌2లో కూడా ఒక‌టి ప్లాన్ చేశార‌ట‌. అక్టోబ‌ర్ లేదా నవంబ‌ర్ లో ఈ సాంగ్ షూటింగ్ జ‌ర‌గ‌నుంద‌ని తెలుస్తోంది. ఈ పాటలో న‌టించ‌డానిని స్టార్‌ను ఎంపిక చేయ‌డంలో ఇప్పుడు సుకుమార్ టీమ్ దృష్టి సారించింద‌ట‌. అయితే ఈ సాంగ్ ను ఎప్పుడు రిలీజ్ చేస్తార‌నే దానిపై ఇంకా క్లారిటీ లేదు. ముందుగానే సాంగ్ ని రిలీజ్ చేస్తారా లేదా షూట్ అయ్యాక డ్యాన్స్ వీడియో ఫుటేజ్ తో సాంగ్ ను రిలీజ్ చేస్తారా అనేది తెలియాలంటే వెయిట్ చేయాలి.