యూఎస్ లో మొద‌లైన పుష్ప‌2 జాత‌ర‌

ఈ ఏడాది టాలీవుడ్ నుంచి రిలీజ్ కానున్న పెద్ద సినిమాల్లో త‌ర్వాతి సినిమా పుష్ప‌2(Pushpa2)నే. ఈ సినిమాకు తెలుగులోనే కాక ప్ర‌పంచ వ్యాప్తంగా అన్ని భాష‌ల్లోనూ భారీ అంచ‌నాలున్నాయి. పుష్ప‌2 రిలీజ్ కు మ‌రో నెల రోజులు మాత్ర‌మే టైముంది. అడ్వాన్స్ బుకింగ్స్ కూడా రికార్డు క్రియేట్ చేయ‌డం ఖాయం. అయితే ఈ సినిమాకు యూఎస్ లో చాలా ముందుగానే ప్రీసేల్స్ మొద‌లుపెట్టారు.

పుష్ప‌2 కోసం ఎంత‌గానో వెయిట్ చేస్తున్న ఆడియ‌న్స్ జోరు మామూలుగా లేదు. అమ్మ‌కాల‌ను మొద‌లు పెట్టిన గంట‌ల్లోనే ల‌క్ష డాల‌ర్ల మార్కును క్రాస్ చేసింది పుష్ప‌2. చూస్తుంటే పుష్ప‌2 ప్రీ సేల్స్ తోనే రికార్డులు న‌మోదు చేసేట్లనిపిస్తుంది. దేవ‌ర సినిమా రిలీజ్ కు ముందే 2 మిలియ‌న్ డాల‌ర్ల మార్క్ ను అందుకోగా ఇప్పుడు పుష్ప‌2 ఆ రికార్డును ఈజీగా బ్రేక్ చేసేలా అనిపిస్తుంది.

పుష్ప‌2కు పాజిటివ్ వ‌స్తే ఫుల్ ర‌న్ లో 10 మిలియ‌న్ డాల‌ర్ల‌ను రీచ్ అయ్యే ఛాన్సుంద‌ని ట్రేడ్ వ‌ర్గాలు అంటున్నాయి. సినిమా వ‌ర‌ల్డ్ వైడ్ రూ.1000 కోట్లు క‌లెక్ట్ చేస్తుంద‌ని ద‌ర్శ‌క‌నిర్మాత‌లు ఎంతో న‌మ్మ‌కంగా ఉన్నారు. డిసెంబ‌ర్ 5న రిలీజ్ కానున్న ఈ సినిమాకు ఒక రోజు ముందుగానే ప్రీమియ‌ర్లు వేసేలా ప్లాన్ చేస్తున్నారు.