పుష్ప‌2 ర‌న్ టైమ్ ఎంతంటే..!

మ‌రో 9 రోజుల్లో రిలీజ్ కానున్న పుష్ప‌2(Pushpa2) కు సంబంధించిన ఏ వార్త అయినా ఇప్పుడు నెట్టింట హాట్ టాపిక్ గా మారుతుంది. ఈ నేప‌థ్యంలో పుష్ప‌2 ర‌న్ టైమ్ కు సంబంధించిన ఓ అప్డేట్ అంద‌రినీ ఆశ్చ‌ర్యానికి గురిచేస్తోంది. సెన్సార్ కు పంపనున్న పుష్ప‌2 ఫైన‌ల్ క‌ట్ 3 గంట‌ల 21 నిమిషాల నిడివి ఉంద‌ని స‌మాచారం.

ఇంత ఎక్కువ ర‌న్ టైమ్ తో ఓ స్ట్ర‌యిట్ తెలుగు సినిమా వ‌చ్చి చాలా ఏళ్లైంది. మొన్న ఇంతే ర‌న్ టైమ్ తో యానిమ‌ల్(Animal) సినిమా వ‌చ్చిన‌ప్పుడు రిలీజ్ కు ముందు అనుమాన‌ప‌డ్డారు కానీ రిలీజ్ త‌ర్వాత అంద‌రూ సినిమాను ఎంజాయ్ చేశారు. ఇప్పుడు పుష్ప‌2  నిజంగా అంత ర‌న్ టైమ్ ఫిక్స్ చేసుకుంటే మాత్రం బ‌న్నీ ఫ్యాన్స్ పండ‌గ‌నే చెప్పాలి.

కాక‌పోతే పుష్ప‌2 షోల‌కు భారీ డిమాండ్ ఉన్న నేప‌థ్యంలో మ‌ల్టీప్లెక్సుల‌కు దాన్ని షెడ్యూలింగ్ చేసుకోవ‌డం పెద్ద స‌వాల్ కానుంది. ఇంట‌ర్వెల్ తో క‌లిపి ఆడియ‌న్స్ మూడున్న‌ర గంట‌ల పాటూ థియేట‌ర్లలోనే ఉండాల్సి వ‌స్తుంది. కంటెంట్ స్ట్రాంగ్ గా ఉంటే ఇదేమీ పెద్ద ప్రాబ్ల‌మ్ కాదు. కానీ షోల మ‌ధ్య గ్యాప్ మాత్రం చాలా త‌క్కువ నిమిషాలే ఉంటుంది. త్వ‌ర‌లోనే పుష్ప‌2కు సంబంధించిన అఫీషియ‌ల్ అనౌన్స్‌మెంట్ రావాల్సి ఉంది.