పుష్ప‌2 ట్రైల‌ర్ టాక్: పుష్ప రాజ్ ఫైర్ కాదు.. వైల్డ్ ఫైర్

ఐకాన్ స్టార్ అల్లు అర్జున్(Allu Arjun) హీరోగా సుకుమార్(Sukumar) ద‌ర్శ‌క‌త్వంలో వ‌స్తోన్న సినిమా పుష్ప‌2(Pushpa2). డిసెంబ‌ర్ 5న ఈ సినిమా ప్ర‌పంచ వ్యాప్తంగా ప్రేక్ష‌కుల ముందుకు రానుంది. రిలీజ్ ద‌గ్గ‌ర ప‌డుతున్న నేప‌థ్యంలో పుష్ప‌2 ట్రైల‌ర్(Pushpa2 Trailer) రిలీజ్ ఈవెంట్‌ను మేక‌ర్స్ పాట్నాలో వ్యూహాత్మ‌కంగా ప్లాన్ చేసి స‌క్సెస్ అయ్యారు. నార్త్ ఆడియ‌న్స్ ను థియేట‌ర్ల‌కు ర‌ప్పించ‌డంలో భాగంగానే మేక‌ర్స్ ఈ ప్లాన్ చేసిన‌ట్లు అర్థమ‌వుతుంది.

ఇదిలా ఉంటే పుష్ప‌2 ట్రైల‌ర్ ఆద్యంతం ఆక‌ట్టుకునేలా ఉంది. ప్ర‌తి ఫ్రేమ్ లో పుష్ప‌లోని వైల్డ్ ఫైర్ ను సుకుమార్ ప‌రిచ‌యం చేశాడు. ఎవ‌డు వీడు? వీడిలో తెలియ‌ని బాధ ఏదో ఉంది అని జ‌గ‌ప‌తి బాబు(jagapathi Babu) పాత్రతో ట్రైల‌ర్ ను మొద‌లుపెట్టిన ద‌గ్గ‌ర నుంచి ప్ర‌తీ షాట్ లో పుష్ప రాజ్ పాత్ర‌ను ఎలివేట్ చేస్తూనే వ‌చ్చాడు సుకుమార్.

త‌న‌కు రావాల్సింది అర్థ అణా అయినా స‌రే స‌ప్త స‌ముద్రాలు దాటైనా లాక్కుని తెచ్చుకునే వాడిగా పుష్ప పాత్ర‌ను చూపించాడు సుకుమార్. ట్రైల‌ర్ చూస్తుంటేనే గూస్‌బంప్స్ వ‌చ్చేలా క‌ట్ చేశాడు సుకుమార్. పుష్ప‌రాజ్ గా బ‌న్నీ(bunny) గెట‌ప్, చీర క‌ట్టులో త‌న ఫైట్స్ అన్నీ సినిమాపై ఉత్కంఠ‌ను క‌లిగిస్తున్నాయి. పుష్ప రాజ్ భార్య శ్రీవ‌ల్లిగా ర‌ష్మిక(Rashmika Mandanna) చాలా ఆక‌ట్టుకుంది. మైత్రీ మూవీ మేక‌ర్స్(Mythri Movie Makers) నిర్మిస్తున్న ఈ సినిమాకు దేవీ శ్రీ ప్ర‌సాద్(Devi Sri Prasad) సంగీతం అందిస్తున్నాడు.