'బ్రహ్మా ఆనందం' నుంచి బ్రహ్మానందం గా రాజా గౌతమ్ ఫస్ట్ లుక్ రిలీజ్
హాస్య బ్రహ్మ, పద్మశ్రీ బ్రహ్మానందం, (Brahmanandam)అతని కుమారుడు రాజా గౌతమ్ (Raja Goutham)ఔట్ అండ్ ఔట్ఎంటర్‌టైనర్ 'బ్రహ్మా ఆనందం'లో తాత, మనవళ్ళుగా అలరించబోతున్నారు. ఫస్ట్-టైమర్ RVS నిఖిల్ దర్శకత్వం వహిస్తున్న ఈ మూవీని స్వధర్మ్ ఎంటర్‌టైన్‌మెంట్‌పై రాహుల్ యాదవ్ నక్కా నిర్మిస్తున్నారు. సావిత్రి, శ్రీ ఉమేష్ యాదవ్ సమర్పిస్తున్నారు.
మేకర్స్ అందరికీ దీపావళి శుభాకాంక్షలు తెలియజేస్తూ బ్రహ్మానందం గా రాజా గౌతమ్ ఫస్ట్ లుక్ రిలీజ్ చేశారు. రాజా గౌతమ్ ట్రెడిషనల్ అవతార్‌లో కనిపించిన ఫస్ట్ లుక్ అందరినీ ఆకట్టుకుంది. పర్ఫెక్ట్ దీపావళి ట్రీట్ గా నిలిచింది.
స్వధర్మ్ ఎంటర్‌టైన్‌మెంట్స్100% సక్సెస్ రేట్‌తో న్యూ ఏజ్ కంటెంట్ బేస్డ్ సినిమాలను రూపొందిస్తోంది. వారి గత చిత్రాలు మళ్లీ రావా, ఏజెంట్ సాయి శ్రీనివాస ఆత్రేయ, మసూద బాక్సాఫీస్ వద్ద మంచి ఫలితాలను అందించాయి. 'బ్రహ్మా ఆనందం' మరో యూనిక్ ఎంటర్ టైనర్ కానుంది.
ప్రియా వడ్లమాని, ఐశ్వర్య హోలక్కల్ హీరోయిన్స్ గా కనిపించనున్నారు. వెన్నెల కిషోర్ ఫుల్ లెంగ్త్ రోల్ పోషిస్తుండగా, సంపత్, రాజీవ్ కనకాల కీలక పాత్రలు పోషిస్తున్నారు. ఈ చిత్రానికి శాండిల్య పిసాపాటి మ్యూజిక్ అందిస్తున్నారు. మితేష్ పర్వతనేని డీవోపీ గా పని చేస్తున్నారు. ప్రసన్న ఎడిటర్.
2025 ఫిబ్రవరి 7న బ్రహ్మా ఆనందం విడుదల కానుంది.
