అప్ప‌న్న పాత్ర‌కు లోపం

స్టార్ హీరోలు న‌టించే సినిమాల్లో వారి పాత్ర‌ల‌కు ఏదైనా శారీర‌క లోపం పెట్టి ఆడియ‌న్స్‌ ను ఒప్పించ‌డం చాలా క‌ష్టం. కానీ సుకుమార్(sukumar) దాన్ని సాధ్యం చేసి చూపించాడు. రంగ‌స్థ‌లం(rangasthalam)లో రామ్ చ‌ర‌ణ్(ram charan) కు చెవుడు అనే లోపం పెట్టి అన్ని వ‌ర్గాల ప్రేక్ష‌కుల్ని మెప్పించి సూప‌ర్ హిట్ అందుకున్నాడు. పుష్ప‌(pushpa)లో అల్లు అర్జున్(Allu Arjun( కు సైతం ఒకవైపు భుజం పైకి లేచిన లోపాన్ని గొప్ప‌గా వాడుకున్నాడు.

అయితే దీనికంటే ముందే భ‌లే భ‌లే మ‌గాడివోయ్(Bhale Bhale Magadivoy) సినిమాలో నాని(nani)కి మ‌తిమ‌రుపు ఉంటుంది. ఇక అస‌లు విష‌యానికి వ‌స్తే రామ్ చ‌ర‌ణ్ హీరోగా శంక‌ర్(shankar) ద‌ర్శ‌క‌త్వంలో రానున్న గేమ్ ఛేంజ‌ర్(Game changer) లో రామ్ చ‌ర‌ణ్ క్యారెక్ట‌ర్ కు ఓ ట్విస్ట్ ఉంటుంద‌ట‌. కాక‌పోతే అది ఫ్లాష్ బ్యాక్ కే ప‌రిమిత‌మైంది. ఇన్ సైడ్ టాక్ ప్ర‌కారం సెకండాఫ్‌లో రామ్ చ‌ర‌ణ్ పోషించే అప్ప‌న్న పాత్ర న‌త్తితో మాట్లాడ‌తాట‌.

అయితే ఆ న‌త్తి ఎబ్బెట్టుగా కాకుండా క‌థ‌లో ముఖ్య ఉద్దేశాన్ని ముందుకు తీసుకెళ్లి ఓ కీల‌క ట్విస్టుకు కార‌ణ‌మ‌య్యేలా ఉంటుందంటున్నారు. దీన్ని ఆడియ‌న్స్ స‌రిగా రిసీవ్ చేసుకుంటే అప్ప‌న్న ఎపిసోడ్ నెక్ట్స్ లెవెల్ లో ఉంటుంద‌ని యూనిట్ స‌భ్యులంటున్నారు. గేమ్ ఛేంజ‌ర్ లో చ‌ర‌ణ్ యాక్టింగ్ ఎంతో గొప్ప‌గా ఉంటుంద‌ని చెప్తున్నారు. జ‌న‌వ‌రి 10న రిలీజ్ కానున్న గేమ్ ఛేంజ‌ర్ లో చ‌ర‌ణ్ మూడు షేడ్స్ లో క‌నిపించ‌నున్న విష‌యం తెలిసిందే.