ప‌వన్ సినిమాపై ఆశ‌లు వ‌దులుకున్న నిర్మాత‌

ప‌వ‌న్ క‌ళ్యాణ్(pawan Kalyan) ఫోక‌స్ మొత్తం ప్ర‌స్తుతానికి రాజ‌కీయాల‌పైనే ఉంది. సినిమాల‌కు ప్రాధాన్య‌త ఇవ్వ‌డం ప‌వ‌న్ ఎప్పుడో త‌గ్గించాడు కానీ క‌మిటైన సినిమాల‌ను పూర్తి చేయాల్సిన బాధ్య‌త ఉండ‌టంతో త‌న‌కు టైమ్ దొరికిన‌ప్పుడ‌ల్లా వీలు చూసుకుని ఆ సినిమాల‌ను పూర్తి చేయాల‌ని డిసైడయ్యాడు ప‌వ‌న్. వివిధ ద‌శ‌ల్లో ఆగిపోయిన హరిహ‌ర వీర‌మ‌ల్లు(Harihara Veeramallu), ఓజీ(OG), ఉస్తాద్ భ‌గ‌త్‌సింగ్(Ustaad Bhagath Singh) సినిమాల‌ను ఒక దాని త‌ర్వాత ఒక‌టి పూర్తి చేయాల‌ని ప‌వ‌న్ నిర్ణ‌యించుకున్నాడు.

అయితే ఈ సినిమాల‌తో పాటూ ప‌వ‌న్ మ‌రో సినిమాకు కూడా క‌మిటయ్యాడు. వ‌క్కంతం వంశీ(Vakkantham Vamsi) క‌థ‌తో సురేంద‌ర్ రెడ్డి(Surender Reddy) ద‌ర్శ‌క‌త్వంలో రామ్ తాళ్లూరి(Ram Thalluri) నిర్మాణంలో ఓ సినిమాకు ప‌వ‌న్ గ్రీన్ సిగ్న‌ల్ ఇచ్చాడు. నాలుగేళ్ల క్రిత‌మే ఈ సినిమా అనౌన్స్‌మెంట్ కూడా వ‌చ్చింది. కానీ ఆ సినిమా గురించి ప్ర‌స్తుతం ఎవ‌రూ మాట్లాడ‌టం లేదు.

అయితే ఈ విషయంలో ప‌వ‌న్ కు మంచి ఫ్రెండ్ మ‌రియు నిర్మాత అయిన రామ్ తాళ్లూరి ఓ ఇంట‌ర్వ్యూలో క్లారిటీ ఇచ్చాడు. ప‌వ‌న్ తో చేయాల్సిన సినిమాకు ఐదేళ్ల ముందే అడ్వాన్స్ ఇచ్చామ‌ని, వంశీ- సురేంద‌ర్ క‌లిసి మంచి స్టోరీ రెడీ చేశార‌ని, ప‌వ‌న్ కు కూడా ఆ క‌థ న‌చ్చింద‌ని, కానీ ప‌వ‌న్ కు ఉన్న వేరే క‌మిట్మెంట్స్ వ‌ల్ల ఆ సినిమా ప‌ట్టాలెక్క‌లేద‌ని, ఈ సినిమా మ‌ళ్లీ సెట్స్ పైకి వెళ్తుంద‌ని త‌నకు ఆశ లేన‌ట్లు రామ్ తాళ్లూరి వెల్ల‌డించాడు.