చ‌ర‌ణ్‌- సుక్కు సినిమాలో హీరోయిన్ ఫిక్స్?

గ్లోబ‌ల్ స్టార్ రామ్ చ‌ర‌ణ్(ram charan) హీరోగా సుకుమార్(sukumar) ద‌ర్శ‌క‌త్వంలో ఆర్సీ17(RC17) ఇప్ప‌టికే లాక్ అయిన విష‌యం తెలిసిందే. ఈ సినిమాలో చ‌ర‌ణ్ కు హీరోయిన్ గా ఎవ‌రిని తీసుకుంటార‌నేది ఇప్ప‌టివర‌కు క్లారిటీ లేదు. ఆర్సీ16(RC16) కోసం జాన్వీక‌పూర్(Janhvi kapoor) ను ఎంచుకున్న చ‌ర‌ణ్‌, ఆర్సీ15(RC15) అయిన గేమ్ ఛేంజ‌ర్(Game changer) కోసం రెండోసారి కియారా(Kiara)తో క‌లిసి న‌టించాడు.  

ఈ నేప‌థ్యంలో సుకుమార్ సినిమాలో ఏ హీరోయిన్ ను తీసుకుంటాడ‌నేది ఆస‌క్తిక‌రంగా మారింది. సుకుమార్ సౌత్ హీరోయిన్ ల‌కు ప్రాధాన్య‌త ఇవ్వాలంటే వారు బాగా ఫేమ‌స్ అయుండాలి. అందుకే చ‌ర‌ణ్ కోసం సుకుమార్ సాయి ప‌ల్ల‌వి(Sai Pallavi)ని లాక్ చేసిన‌ట్లు తెలుస్తోంది. సుకుమార్ స‌న్నిహితుల నుంచే ఈ విష‌యం లీక‌వడంతో ఇది నిజ‌మ‌య్యే అవ‌కాశాలు ఎక్కువ‌గానే క‌నిపిస్తున్నాయి.

చ‌ర‌ణ్ తో సుకుమార్ తీయ‌బోయే సినిమాలో హీరోయిన్ పాత్ర‌కు అన్ని విధాలా సాయి ప‌ల్ల‌వి స‌రిపోతుంద‌ని అందుకే ఆమెను తీసుకోవాల‌ని సుక్కూ డిసైడ‌య్యాడ‌ట‌. సాయి ప‌ల్ల‌వి అయితే సినిమాకు కూడా క్రేజ్ పెర‌గ‌డం ఖాయం. ఆల్రెడీ తండేల్(thandel) తో పాన్ ఇండియా స్థాయిలో ప‌రిచ‌యం కానున్న సాయి ప‌ల్ల‌వి, బాలీవుడ్ రామాయ‌ణ్‌(Ramayan)తో ఆ క్రేజ్ ను మ‌రింత పెంచుకోనుంది. ఒక‌వేళ ప‌ల్ల‌వి న‌టిస్తే ఆ క్రేజ్ చ‌ర‌ణ్ సినిమాకు కూడా చాలా ప్ల‌స్ కానుంది.