ఘనంగా శంకర నేత్రాలయ మ్యూజికల్‌ కాన్సర్ట్‌
అరిజోనా రాష్ట్రంలోని ఫీనిక్స్‌ నగరంలో నవంబర్‌ 3న జరిగిన శంకర నేత్రాలయ మ్యూజికల్‌ కాన్సర్ట్‌ విజయవంతమైంది. ఈ ప్రాంతంలో మొదటి తెలుగు కాన్సర్ట్‌గా నిలిచిన ఈ ఈవెంట్‌ సుమారు 120,000 డాలర్ల విరాళాలను సమీకరించింది, ఇందులో ఆరు ఎంఇఎస్‌యు దాతల విరాళాలు కూడా ఉన్నాయి. ఈ సందర్భంగా డాక్టర్‌ ఎస్‌.ఎస్‌. బద్రినాథ్‌, రతన్‌ టాటా గారిని స్మరించుకొని, వారి సేవలను కొనియాడారు. శంకర నేత్రాలయ యుఎస్‌ఎ పయనాన్ని, సంస్థ స్థాపన నుండి నేటి ప్రస్తుత కార్యక్రమాలను వివరించారు. అలాగే వ్యవస్థాపక అధ్యక్షులు ఎమిరేటస్‌ ఎస్‌.వి. ఆచార్య , ప్రస్తుత అధ్యక్షుడు బాలా రెడ్డి ఇందుర్తి నాయకత్వంలో సంస్థ తన సేవలను విస్తరించింది. ముఖ్యంగా గ్రామీణ ప్రాంతాల్లో అత్యవసర దృష్టి సంరక్షణను అందించే మొబైల్‌ ఐ సర్జికల్‌ యూనిట్‌ కార్యక్రమం ద్వారా. చెన్నై, హైదరాబాద్‌, జార్ఖండ్‌ కేంద్రాలతో పాటు, పుట్టపర్తి , విశాఖపట్నం కేంద్రాల కోసం ప్రణాళికలను తెలియజేసింది.
ఈ కార్యక్రమంలోమణి శర్మ సంగీత ప్రదర్శన, ఆడియెన్స్‌ను ఆకట్టుకుంది. కొంతమంది దాతలను సత్కరించారు. అలాగే మరో ఆరు ఎంఇఎస్‌యు యూనిట్ల కోసం, తమిళనాడుకు నాలుగు, ఆంధ్రప్రదేశ్‌కు రెండు దాతలు ముందుకు వచ్చారు.
కాన్సర్ట్‌ తర్వాత, చాండ్లర్‌లోని ఫిరంగీ రెస్టారెంట్‌లో ప్రత్యేక మీట్‌-అండ్‌-గ్రీట్‌ ఏర్పాటుచేశారు, అక్కడ మణి శర్మ గారి సంతకంతో ఉన్న ఫోటోలను వేలం వేశారు. అలాగే, పియోరియాలో మణి శర్మ గారి మరియు వారి బృందానికి ప్రత్యేక సాయంకాలపు కార్యక్రమం నిర్వహించారు. ఈ రెండు వేలంపాటల ద్వారా మొత్తం 4,875 డాలర్లు సేకరించాము, ఇది శంకర నేత్రాలయ ఎంఇఎస్‌యు కార్యక్రమం ద్వారా 75 కాటరాక్ట్‌ శస్త్రచికిత్సలకు నిధులను అందించింది.
ఈ కార్యక్రమం విజయవంతం కావడానికి సహకరించిన మూర్తి రేఖపల్లి, శ్యాం అప్పలికి కృతజ్ఞతలు తెలిపారు. అలాగే, వంశీ కృష్ణ ఇరువారం (జాయింట్‌ సెక్రటరీ),ఆది మొర్రెడ్డి,, రేఖ వెమాల , ధీరజ్‌ పోలా , శరవణన్‌, శ్రీధర్‌ చెమిడ్తి, సాకేత్‌, సీత గంట, గార్లు టెర్రీ కింగ్‌, సరిత గరుడ, రాజ్‌ బండి, శోభ వడ్డిరెడ్డి, లక్ష్మి బొగ్గరపు , రూప మిధే, మణు నాయర్‌, చెన్నా రెడ్డి మద్దూరి, కాశీ, మూర్తి వెంకటేశన్‌, మంజునాథ్‌, దేవా, జయప్రకాశ్‌, మహిత్‌ కృషిని అభినందించారు. శంకర నేత్రాలయ మిషన్‌కు అండగా ఉన్న వారందరికీ ప్రత్యేక ధన్యవాదాలను శంకర నేత్రాలయ వారు తెలిపారు.
