సంక్రాంతి హ‌వా మొత్తం దిల్ రాజుదే!
టాలీవుడ్ లో ప్ర‌తీ సంక్రాంతికీ త‌న నుంచి ఓ సినిమాను రిలీజ్ చేయాల‌ని చూస్తుంటాడు నిర్మాత దిల్ రాజు(Dil raju). ఒక‌వేళ త‌న బ్యాన‌ర్ లో రూపొందిన సినిమా లేక‌పోతే డిస్ట్రిబ్యూష‌న్ ద్వారా అయినా దిల్ రాజు పోటీలో ఉంటాడు. ప్రొడ్య‌క్ష‌న్ లో ఓ సినిమా, డిస్ట్రిబ్యూష‌న్ లో ఓ సినిమాతో ఆయ‌న పోటీలో నిల‌బ‌డిన సంద‌ర్భాలు చాలానే ఉన్నాయి.
అయితే ఈ సారి సంక్రాంతికి రిలీజ్ కానున్న మూడు పెద్ద సినిమాల్లోనూ దిల్ రాజుకు భాగ‌స్వామ్యం ఉండ‌టం విశేషం. అందులో మొద‌టి సినిమా గేమ్ ఛేంజ‌ర్(game changer). రామ్ చ‌ర‌ణ్(ram charan) హీరోగా శంక‌ర్(shankar) ద‌ర్శ‌క‌త్వంలో తెరకెక్కిన ఈ సినిమా దిల్ రాజు బ్యాన‌ర్ లోనే రూపొందింది. ఈ సినిమా జ‌న‌వ‌రి 10న రిలీజ్ కానుంది. ఆ త‌ర్వాత నాలుగు రోజుల‌కు వెంక‌టేష్‌(Venkatesh)- అనిల్ రావిపూడి(anil ravipudi) క‌ల‌యిక‌లో దిల్ రాజు బ్యాన‌ర్ లోనే రూపొందుతున్న సంక్రాంతికి వ‌స్తున్నాం(Sankranthiki vasthunnam) రిలీజ్ కానుంది.
గ‌తేడాది మైత్రీ బ్యాన‌ర్(mythri movie makers) లో వాల్తేరు వీర‌య్య(waltair veerayya), వీర సింహారెడ్డి(Veera simhareddy) సంక్రాంతికే రిలీజైన‌ట్లే ఈసారి దిల్ రాజు బ్యాన‌ర్ నుంచి గేమ్ ఛేంజ‌ర్, సంక్రాంతికి వ‌స్తున్నాం రిలీజ‌వుతున్నాయి. ఇక మూడో సినిమాగా బాల‌య్య(balayya)- బాబీ(bobby) ద‌ర్శ‌క‌త్వంలో నాగ‌వంశీ(Naga vamsi) నిర్మిస్తున్న డాకు మ‌హారాజ్(daku maharaj) కూడా దిల్ రాజు ద్వారానే నైజాం, వైజాగ్‌లో రిలీజ్ కానుంది. దీంతో ఈసారి సంక్రాంతి హ‌వా మొత్తం దిల్ రాజు మీద నుంచే జ‌ర‌గ‌నుందని నెటిజ‌న్లు కామెంట్స్ చేస్తున్నారు.
