సంక్రాంతి పోటీ తేలిన‌ట్టేనా?

టాలీవుడ్ లో వ‌చ్చే ఏడాది సంక్రాంతి సినిమాల లిస్టు ఆల్మోస్ట్ ఫిక్స్ అయిన‌ట్లే. జ‌న‌వ‌రి 10న అంద‌రి కంటే ముందుగా రామ్ చ‌ర‌ణ్(Ram charan) గేమ్ ఛేంజ‌ర్(game Changer) రిలీజ్ కానుంది. ముందు రిలీజ్ ను చ‌ర‌ణ్(Charan) ఫుల్ గా వాడుకోవ‌డానికి రెడీ అవుతున్నాడు. పెద్ద సంఖ్య‌లో స్క్రీన్ల‌ను ద‌క్కించుకుని ఓపెనింగ్స్ ను భారీగా రాబ‌ట్టాల‌ని నిర్మాత దిల్ రాజు(Dil raju) ప్లాన్లు వేస్తున్నాడు.

త‌ర్వాత జ‌న‌వ‌రి 12న బాల‌య్య(Balaiah)- బాబీ(Bobby) కాంబోలో సితార ఎంట‌ర్టైన్మెంట్స్(Sithara Entertainments) బ్యాన‌ర్ లో తెర‌కెక్కుతున్న సినిమా రానుంది. నవంబ‌ర్ 15న టైటిల్ ను రివీల్ చేసే టీజ‌ర్ లో రిలీజ్ డేట్ ను కూడా అనౌన్స్ చేయ‌నున్నారు. జ‌న‌వ‌రి 14న వెంక‌టేష్(Venkatesh)- అనిల్ రావిపూడి(Anil Ravipudi) క‌ల‌యిక‌లో దిల్ రాజు బ్యాన‌ర్ లో తెర‌కెక్కుతున్న సంక్రాంతికి వ‌స్తున్నాం(Sankrantiki Vasthunnam) రిలీజ్ కానుంది.

వెంకీ(Venky) ఫ్యాన్స్ ఈ డేట్ ను లేట్ అని భావిస్తున్న‌ప్ప‌టికీ గ‌తంలో అదే రోజున వ‌చ్చి వెంకీ బ్లాక్ బ‌స్ట‌ర్లు అందుకున్న చ‌రిత్ర ఉంది. చివ‌రిగా జ‌న‌వ‌రి 15న సందీప్ కిష‌న్(Sundeep Kishan) హీరోగా త్రినాధ‌రావు న‌క్కిన(Trinadh Rao Nakkina) ద‌ర్శ‌క‌త్వంలో రూపొందుతున్న మ‌జాకా రిలీజ్ కానుంది. ఇప్ప‌టివ‌ర‌కు ఫిక్స్ అయిన సినిమాలు ఈ నాలుగు మాత్ర‌మే. అజిత్(Ajith) న‌టిస్తున్న గుడ్ బ్యాడ్ అగ్లీ(Good Bad Ugly) లేదా విదాముయార్చి(Vidamuyarchi)ల‌లో ఒక‌టి సంక్రాంతికే రానుంద‌ని కోలీవుడ్ వ‌ర్గాలంటున్నాయి కానీ ఇప్ప‌టివ‌ర‌కు నిర్మాణ సంస్థ‌ల నుంచి ఎలాంటి అప్డేట్ లేదు. ఏదేమైనా ఈసారి సంక్రాంతి పోటీ ర‌స‌వ‌త్త‌రంగా ఉండ‌టం ఖాయం.