వృధా అయిన స‌త్య‌దేవ్ క‌ష్టం
ఎన్టీఆర్(NTR), రామ్ చ‌ర‌ణ్(Ram Charan) హీరోలుగా రాజ‌మౌళి(Rajamouli) ద‌ర్శ‌క‌త్వంలో వ‌చ్చిన ఆర్ఆర్ఆర్(RRR) ఎంత పెద్ద హిట్ అయిందో ప్ర‌త్యేకంగా చెప్ప‌న‌క్క‌ర్లేదు. సినిమా రంగంలోని అత్యున్న‌త పుర‌స్కారం ఆస్కార్(Oscar) అవార్డు కూడా వ‌రించింది. ఇలా ఎన్నో రికార్డులు ఆర్ఆర్ఆర్ పేరిట ఉన్నాయి. ఇలాంటి ప్రెస్టీజియ‌స్ ప్రాజెక్ట‌లో యాక్ట‌ర్ గా మంచి క్రేజ్ ఉన్న స‌త్య‌దేవ్(Satyadev) న‌టించాడ‌ని ఎవ‌రికీ తెలియ‌దు. అవును. ఆర్ఆర్ఆర్ లో స‌త్య‌దేవ్ న‌టించిన విష‌యాన్ని స్వ‌యంగా అత‌నే రివీల్ చేశాడు. ఎంతో క‌ష్ట‌ప‌డి ఆర్ఆర్ఆర్ లో న‌టిస్తే త‌న సీన్స్ ను ఎడిటింగ్ లో తీసేశార‌ని, లెంగ్త్ ఎక్కువ అవుతుంద‌ని అత‌ను న‌టించిన 16 నిమిషాల సీన్స్ ను క‌ట్ చేసిన‌ట్లు స‌త్య‌దేవ్ తెలిపాడు. ఆర్ఆర్ఆర్ కోసం స‌త్య‌దేవ్ దాదాపు 10 రోజుల షూటింగ్ లో పాల్గొన్నాడ‌ట.
చిత్ర యూనిట్ పై ఉన్న గౌర‌వం వ‌ల్లే ఈ విష‌యాన్ని ఇప్ప‌టివ‌ర‌కు బ‌య‌ట‌కు చెప్పలేద‌ని, ఆ పదిరోజుల షూటింగ్ చాలా మంచి ఎక్స్‌పీరియెన్స్‌ను ఇచ్చిందని స‌త్య‌దేవ్ తెలిపాడు. అయితే చిత్ర నిడివి ఎక్కువ అవుతుంద‌ని అత‌ని పాత్ర‌ను ట్రిమ్ చేశారు బానే ఉంది. కానీ క‌నీస కృత‌జ్ఞ‌త‌గా ఈ విష‌యాన్ని ద‌ర్శ‌క‌నిర్మాత‌ల్లో ఎవ‌రొక‌రు ప్ర‌స్తావించి ఉంటే హుందాగా ఉండేది.
