రాజ‌మౌళితో ఎందుకు వ‌ర్క్ చేయ‌ట్లేదో చెప్పిన సెంథిల్

డైరెక్ట‌ర్ రాజ‌మౌళి(rajamouli) త‌న కెరీర్ స్టార్టింగ్ నుంచి త‌న‌కు బాగా సింక్ అయ్యే టెక్నీషియ‌న్ల‌తో ప‌ని చేస్తూ వ‌చ్చాడు. ఆయ‌న సినిమాల‌కు ఇప్ప‌టివ‌ర‌కు కీరవాణి(keeravani) త‌ప్ప మ‌రో మ్యూజిక్ డైరెక్ట‌ర్ తో ప‌నిచేసింది లేదు. సినిమాటోగ్ర‌ఫీ విష‌యంలో కూడా రాజ‌మౌళి ఎన్నో జాగ్ర‌త్త‌లు తీసుకుంటాడు. ముఖ్యంగా మ‌గ‌ధీర(Magadheera) త‌ర్వాత సెంథిల్(Senthil) తో బాగా సింక్ కుదిరి త‌ర్వాత వ‌రుస‌గా త‌న‌తోనే సినిమాలు చేస్తూ వ‌చ్చాడు.

రాజ‌మౌళి విజ‌న్ కు భారీత‌నాన్ని తీసుకురావాల‌న్నా, విజువ‌ల్స్ గొప్ప‌గా రావాల‌న్నా సెంథిల్‌కే సాధ్య‌మ‌నే అభిప్రాయం అంద‌రికీ ఉండేది. కానీ ఆర్ఆర్ఆర్(RRR) త‌ర్వాత వీరిద్ద‌రూ విడిపోయారు. జ‌క్క‌న్న నెక్ట్స్ మ‌హేష్ బాబుతో చేయ‌నున్న సినిమాకు సినిమాటోగ్రాఫ‌ర్ గా పీఎస్ వినోద్(PS Vinod) ను తీసుకున్నాడు. సెంథిల్ డైరెక్ష‌న్ వైపు వెళ్తున్నాడని, అందుకే బ్రేక్ తీసుకున్నాడ‌ని వార్త‌లొచ్చాయి. అయితే సెంథిల్ రాజ‌మౌళికి దైర‌మై రెండేళ్లైంది కానీ ఇప్ప‌టివ‌ర‌కు త‌న డైరెక్టోరియ‌ల్ గురించి ఎలాంటి అప్డేట్ లేదు. 

మ‌రోవైపు సింథిల్ నిఖిల్(Nikhil) స్వ‌యంభు(Swayambhu) సినిమాకు కూడా వ‌ర్క్ చేస్తున్నాడు. అయితే రీసెంట్ గా సింథిల్ దీనిపై మాట్లాడుతూ తాను మంచి ఛాన్స్ వ‌స్తే ఏ సినిమాకైనా వ‌ర్క్ చేస్తాన‌ని, రాజ‌మౌళి నెక్ట్స్ మూవీకి త‌ను ప‌నిచేయ‌డం లేద‌ని తెలిపాడు. అలా అని రాజ‌మౌళికి త‌న‌కు మ‌ధ్య ఏమీ చెడ‌లేద‌ని, వారి మ‌ధ్య ఇప్ప‌టికీ మంచి అనుబంధ‌మే ఉందని, త‌న సినిమాలోకి ఎవ‌రిని తీసుకోవాల‌న్న‌ది పూర్తిగా డైరెక్ట‌ర్ ఛాయిస్ అని సెంథిల్ పేర్కొన్నాడు.