నాని సినిమాలో భారీ క్యాస్టింగ్

త‌న‌కు ద‌స‌రా(Dasara) లాంటి బ్లాక్ బ‌స్ట‌ర్ హిట్ ఇచ్చిన శ్రీకాంత్ ఓదెల‌(Srikanth odela)తో నేచుర‌ల్ స్టార్ నాని(Nani) మ‌రో సినిమా చేయ‌బోతున్న విషయం తెలిసిందే. రీసెంట్ గా ఈ సినిమా గ్రాండ్ గా లాంచ్ కూడా అయింది. ప్ర‌స్తుతం ప్రీ ప్రొడ‌క్ష‌న్ వ‌ర్క్స్ జ‌రుపుకుంటున్న ఈ సినిమా, హిట్3(Hit3) సినిమా పూర్త‌వ‌గానే రెగ్యుల‌ర్ షూటింగ్ కు వెళ్ల‌నుంది.

రూ.100 కోట్ల భారీ బ‌డ్జెట్ తో తెర‌కెక్క‌నున్న ఈ సినిమాను భారీ కాన్వాస్ పై ప్లాన్ చేస్తున్నారు. దీని కోసం స్టార్ న‌టులు, టాప్ టెక్నీషియ‌న్ల‌ను రంగంలోకి దించుతున్నారు. మోహ‌న్ బాబు(Mohan babu), ర‌మ్య‌కృష్ణ(Ramya krishnan) ఈ సినిమాలో కీల‌క పాత్ర‌ల్లో న‌టిస్తున్న‌ట్లు స‌మాచారం. ఇందులో మోహ‌న్ బాబుతో విల‌న్ రోల్ చేయించాల‌ని చూస్తున్నాడ‌ట డైరెక్ట‌ర్ శ్రీకాంత్.

వాస్త‌వానికి మోహ‌న్ బాబు త‌న కెరీర్ మొద‌లుపెట్టింది విల‌న్‌గానే. త‌ర్వాత హీరోగా మారాడు. ఇప్పుడు మోహ‌న్ బాబు ఈ సినిమా చేయ‌డానికి ఒప్పుకుంటే సినిమాకు భారీ క్రేజ్ ఏర్ప‌డ‌టం ఖాయం. ఇక ర‌మ్య‌కృష్ణ ఈ సినిమాలో నానికి త‌ల్లి పాత్ర‌లో క‌నిపించ‌నుంద‌ని స‌మాచారం. ది ప్యార‌డైజ్(The paradise) అనే టైటిల్ తో తెర‌కెక్కుతున్న ఈ సినిమాలో స్టార్ క్యాస్ట్ ను గట్టిగానే ప్లాన్ చేస్తున్నారు.