విదేశాల్లో శ్రీనివాసుడి కల్యాణోత్సవాలు : మంత్రి కొండపల్లి

నవంబరు, డిసెంబరు నెలల్లో యూకే, ఐర్లాండ్‌, యూరప్‌ల్లోని 8 దేశాల్లోని 13 నగరాల్లో తిరుమల తిరుపతి దేవస్థానం (టీటీడీ), ఆంధ్రప్రదేశ్‌ రాష్ట్ర ప్రభుత్వం ఆధ్వర్యంలో శ్రీ వేంకటేశ్వరస్వామి కల్యాణోత్సవాలను ఘనంగా నిర్వహించనున్నట్లు ఎన్నారై సాధికారత, వ్యవహారాలశాఖ మంత్రి కొండపల్లి శ్రీనివాస్‌ తెలిపారు. సచివాలయంలో తన ఛాంబర్‌లో వేడుకలకు సంబంధించిన పోస్టర్‌ను విడుదల చేశారు. కల్యాణోత్సవాలు నవంబరు 9 నుంచి డిసెంబరు 21 వరకు నిర్వహిస్తామన్నారు.