రానాని పొగ‌డ్త‌ల‌తో ముంచెత్తిన సందీప్ కిష‌న్

ద‌గ్గుబాటి రానా(Rana Daggubati) కేవ‌లం న‌టుడిగా మాత్ర‌మే కాకుండా నిర్మాత‌గా కూడా కొన‌సాగుతున్నాడు. నిర్మాత‌గా రానా పెద్ద పెద్ద సినిమాలేమీ చేయ‌లేదు. ప్రొడ‌క్ష‌న్ కూడా మొత్తం త‌నే చూసుకోడు. చిన్న సినిమాల‌ను తెర వెనుక ఉండి న‌డిపిస్తాడంతే. 35 లాంటి మంచి క‌థ‌ల్ని సపోర్ట్ చేసి ఆడియ‌న్స్ వ‌ర‌కు రీచ్ అయ్యేలా చేస్తాడు రానా.

ఎవ‌రైనా మంచి క‌థ‌తో వెళ్లినా, మంచి సినిమా చేసినా దానికి రానా స‌పోర్ట్ ఫుల్ గా ఉంటుంద‌నే టాక్ ఇండ‌స్ట్రీలో ఎప్ప‌ట్నుంచో ఉంది. అంతేకాదు చిన్న సినిమాల ప్ర‌మోష‌న్స్ కు కూడా రానా వ‌చ్చి హెల్ప్ చేస్తూ ఉంటాడు. ఈ నేప‌థ్యంలో రీసెంట్ గా దేవకీ నంద‌న వాసుదేవ(Devaki Nandana Vasudeva) సినిమా ప్రీ రిలీజ్ ఈవెంట్ కు గెస్టులుగా వెళ్లారు రానా(Rana), సందీప్ కిషన్(Sundeep Kishan).

ఈ సంద‌ర్భంగా సందీప్ కిష‌న్ మాట్లాడుతూ రానాని పొగ‌డ్త‌ల‌తో ముంచెత్తాడు. ఇండ‌స్ట్రీలో చాలా మంది కొత్త వాళ్ల‌కు రానా పెద్ద దిక్కు అని, త‌న‌కు కూడా రానానే పెద్ద దిక్కు అని, స‌రైన స‌పోర్ట్ సిస్ట‌మ్ లేద‌ని బాధ ప‌డేవాళ్లు ఎవ‌రైనా స‌రే రానా ద‌గ్గ‌ర‌కు వెళ్తే చాల‌ని సందీప్ కిష‌న్ రానా గురించి చాలా పాజిటివ్ గా మాట్లాడాడు. సందీప్ మాట‌ల‌కు రానా సిగ్గుప‌డుతూ ప‌క్క‌న నిల్చున్నాడు.