క్లారిటీ ఇచ్చిన తేజ స‌జ్జ‌

ఎక్క‌డ నెగ్గాలో కాదు ఎక్క‌డ త‌గ్గాలో తెలిసిన వాడే గొప్పోడ‌ని త్రివిక్ర‌మ్(Trivikram) చెప్పిన మాటల్ని తూ.చ త‌ప్పకుండా పాటిస్తున్నాడు తేజ స‌జ్జ‌(Teja Sajja). మొన్నా మ‌ధ్య అబూ దాబిలో జ‌రిగిన ఐఫా(IIFA) అవార్డుల కార్య‌క్ర‌మంలో రానా(Rana)తో క‌లిసి హోస్ట్ గా చేసిన తేజ కొన్ని ఫ్లాప్ సినిమాలపై వేసిన సెటైర్స్ ఆ హీరోల ఫ్యాన్స్ కోపానికి కార‌ణ‌మైంది.

మ‌రీ ముఖ్యంగా మ‌హేష్(mahesh babu), ప్ర‌భాస్(prabhas), ర‌వితేజ(ravi teja) ఫ్యాన్స్ ఈ విష‌యంలో చాలా కోపంగా ఉన్నారు. ఈ విష‌య‌మై రానాని అడిగితే ఇక‌పై ఇది జోక్ అని కింద స‌బ్ టైటిల్స్ వేయాల్సిన సిట్యుయేష‌న్ వ‌స్తుందేమో, కామెడీని అర్థం చేసుకోలేక‌పోయార‌ని పంచ్ వేశాడు. ఇదే విష‌యంలో తేజ స‌జ్జ మాత్రం చాలా మెచ్యూర్డ్ గా ఆలోచించి మాట్లాడాడు.

రీసెంట్ గా దీని గురించి తేజ‌కు ఓ ఈవెంట్ లో ప్ర‌శ్న ఎదుర‌వ‌గా, చిన్న‌ప్ప‌టి నుంచి ఎవ‌రితో అయితే న‌టిస్తూ పెరిగానో వారి మీద ఎలా కామెడీ చేస్తాన‌ని, ఐఫా లాంటి ఇంట‌ర్నేష‌న‌ల్ ఈవెంట్ లో స్క్రిప్ట్ ఉంటుంద‌ని, దాన్నే యాంక‌ర్లు స్టేజ్ పై చేస్తారు త‌ప్పించి త‌న‌కు ఎలాంటి దురుద్దేశం లేద‌ని, రానా త‌న మీద వేసిన జోకుల‌ను కూడా ఫుల్ వీడియో చూడ‌కుండా వేరొక‌రికి ఆపాదించార‌ని తేజ చెప్పుకొచ్చాడు. తేజ ఇచ్చిన ఆన్స‌ర్ ఎంత‌మందిని శాటిస్‌ఫై చేస్తుందో కానీ తను ఇలా క్లారిటీ ఇవ్వ‌డం మాత్రం మంచిదే అయింది.