త్రిష కోసం ఎగ‌బ‌డుతున్న సీనియ‌ర్ హీరోలు

త్రిష(Trisha) హీరోయిన్ గా ఎంట్రీ ఇచ్చి పాతికేళ్లు అవుతున్నా ఇప్ప‌టికీ ఇండ‌స్ట్రీలో టాప్ హీరోయిన్ గా కొన‌సాగుతుంది. మ‌ధ్య‌లో లేడీ ఓరియెంటెడ్ సినిమాల‌కే ప‌రిమిత‌మైన త్రిష ఇప్పుడు మ‌ళ్లీ స్టార్ హీరోల స‌ర‌స‌న హీరోయిన్ గా న‌టిస్తోంది. సీనియ‌ర్ స్టార్ హీరోలంతా వ‌రుస‌గా త్రిష‌తో సినిమాలు చేస్తున్నారు. మ‌రికొంత మంది త్రిష‌తో సినిమాలు చేయ‌డానికి రెడీగా ఉన్నారు.

విజ‌య్(Vijay) తో స్టార్ట్ చేసి చిరంజీవి(Chiranjeevi), అజిత్(Ajith), క‌మ‌ల్ హాస‌న్(Kamal Hassan), సూర్య(Suriya) ఇలా ఎంతోమంది సీనియ‌ర్ హీరోల‌తో త్రిష వ‌ర్క్ చేస్తుంది. ఈ మ‌ధ్య కాలంలో త్రిష సీనియ‌ర్ స్టార్ హీరోల‌కు మోస్ట్ వాంటెడ్ హీరోయిన్ గా మారింది. చిరంజీవితో న‌టిస్తున్న విశ్వంభ‌ర(Viswambhara) నెక్ట్స్ ఇయ‌ర్ స‌మ్మ‌ర్ కు రిలీజ్ కానుంది. చాలా ఏళ్ల త‌ర్వాత చిరూతో క‌లిసి త్రిష న‌టిస్తోంది.

విజ‌య్ తో కూడా చాలా కాలం త‌ర్వాత రీసెంట్ గా లియోలో న‌టించింది త్రిష‌. అజిత్ తో కూడా త్రిష గ‌తంలో న‌టించిన విష‌యం తెలిసిందే. ఇప్పుడు మ‌ళ్లీ చాలా గ్యాప్ త‌ర్వాత ఒకేసారి అజిత్ తో రెండు సినిమాల‌ను చేస్తోంది త్రిష‌. ఇప్ప‌టికే ప‌లువురు సీనియ‌ర్ హీరోల‌తో సినిమాలు చేస్తున్న త్రిష తాజాగా సూర్య(Suriya) సినిమాలో ఛాన్స్ ద‌క్కించుకున్న‌ట్లు తెలుస్తోంది. ఆర్‌జె బాలాజీ(RJ Balaji) ద‌ర్శ‌క‌త్వంలో తెర‌కెక్క‌నున్న సినిమాలో సూర్య స‌ర‌స‌న త్రిషను హీరోయిన్ గా ఎంపిక చేయాల‌ని మేక‌ర్స్ డిస్క‌ష‌న్స్ చేస్తున్నార‌ట‌. వీరిద్ద‌రూ క‌లిసి గ‌తంలో ఆరు సినిమా చేశారు. ఇప్పుడు మ‌ళ్లీ ఇన్నేళ్ల త‌ర్వాత వీరిద్ద‌రి క‌ల‌యిక‌లో సినిమా రానుంది. ఇదంతా చూస్తుంటే సీనియ‌ర్ హీరోలంతా త్రిష కోసం వెయిట్ చేస్తున్న‌ట్లు అనిపిస్తుంది.