గుడివాడ ప్రజలకు మంచి రోజులు : ఎమ్మెల్యే రాము

 కృష్ణా జిల్లా గుడివాడలో తాగునీరు నాడు-నేడు పేరుతో అసెంబ్లీ ఆవరణలో ఎమ్మెల్యే వెనిగండ్ల రాము తాగునీటి శాంపిల్‌ ప్రదర్శన పెట్టారు. ఈ సందర్భంగా ఆయన మాట్లాడుతూ  గుడివాడ మాజీ ఎమ్మెల్యే కొడాలి నాని ఏం చేశారో తాగునీరు చూస్తే తెలుస్తోంది. గుడివాడ ప్రజలు 20ఏళ్లుగా నరకం అనుభవించారు. 20 ఏళ్లు ఎమ్మెల్యేగా ఉన్నా ప్రజలకు మంచినీరు ఇవ్వలేకపోయారు. గుడివాడలో పచ్చగా ఉన్న నీళ్లు మేం వచ్చాక స్వచ్ఛంగా మారాయి. తాగునీటి సమస్య గురించి చెప్పగానే డిప్యూటీ సీఎం పవన్‌ స్పందించారు. ఫిల్టర్‌బెడ్‌లు మార్చేందుకు చొరవచూపి రక్షితనీరు వచ్చేలా చూశారు. పవన్‌ కల్యాణ్‌ చొరవకు గుడివాడ ప్రజల తరపున కృతజ్ఞతలు. సీఎం చంద్రబాబు సమన్వయంతో గుడివాడ ప్రజలకు మంచి రోజులు వచ్చాయి అని అన్నారు.