మీనాక్షితో పాటేసుకుంటున్న వెంకీ

విక్ట‌రీ వెంక‌టేష్(Venkatesh) హీరోగా అనిల్ రావిపూడి(Anil Ravipudi) ద‌ర్శ‌క‌త్వంలో తెర‌కెక్కుతున్న సినిమా సంక్రాంతికి వ‌స్తున్నాం(Sankranthiki Vasthunnam). దిల్ రాజు(Dil Raju) నిర్మిస్తున్న ఈ సినిమా సంక్రాంతి కానుక‌గా ప్రేక్ష‌కుల ముందుకు రానుంది. రిలీజ్ ద‌గ్గ‌ర ప‌డుతున్న నేప‌థ్యంలో చిత్ర యూనిట్ షూటింగ్ ను శ‌ర‌వేగంగా పూర్తి చేస్తోంది. ఇందులో భాగంగానే చిత్ర యూనిట్ డెహ్రాడూన్, ముస్సోరి, రిషికేష్ లాంటి ప్రాంతాల్లో షూటింగ్ ను జ‌రుపుతున్నారు. 

ఈ లాంగ్ షెడ్యూల్ లో వెంకీ(Venky), మీనాక్షి(Meenakshi)పై చిత్ర యూనిట్ ఓ రొమాంటిక్ సాంగ్ ను కూడా షూట్ చేయ‌నున్న‌ట్లు స‌మాచారం. సంక్రాంతికి రిలీజ‌వుతున్న ఈ సినిమా ప‌క్కా హిట్ అవుతుంద‌ని ట్రేడ్ వ‌ర్గాలు సైతం భావిస్తున్నాయి. అనిల్(Anil Ravipudi) ఎంట‌ర్టైన్మెంట్ కు వెంకీ జ‌త క‌డితే ఆ సినిమా థియేట‌ర్ల‌లో ర‌చ్చ చేయ‌డం ఖాయం. 

ఓ వైపు షూటింగ్ చేస్తూనే మ‌రోవైపు పోస్ట్ ప్రొడక్ష‌న్ కార్య‌క్ర‌మాల‌ను కూడా వేగ‌వంతం చేశాడు అనిల్. షూటింగ్ మొత్తం పూర్త‌య్యాక పోస్ట్ ప్రొడ‌క్ష‌న్ అంటే లేట‌వుతుంద‌ని ఎప్ప‌టిక‌ప్పుడు ఆ పనిని కూడా పూర్తి చేస్తున్నాడు అనిల్. అందులో భాగంగానే చిత్ర ప్రమోష‌న్స్ ను కూడా స్టార్ట్ చేశాడు దిల్ రాజు(Dil Raju). ట్ర‌యాంగిల్ ల‌వ్ స్టోరీ క‌థాంశంతో తెర‌కెక్కుతున్న ఈ సినిమాలో వెంక‌టేష్ మాజీ పోలీసాఫీస‌ర్ గా న‌టించ‌నుండ‌గా, ఆయ‌న భార్య‌గా ఐశ్య‌ర్యా రాజేష్(aishwarya rajesh), ప్రేమికురాలిగా మీనాక్షి న‌టిస్తుంది. ఈ సినిమా జ‌న‌వ‌రి 14న ప్రేక్ష‌కుల ముందుకు రానుంది.