జనగామ జిల్లాలో డొనాల్డ్‌ ట్రంప్‌ విగ్రహానికి క్షీరాభిషేకం

అమెరికా అధ్యక్ష ఎన్నికల్లో డొనాల్డ్‌ ట్రంప్‌ విజయం సాధించడంతో తెలంగాణ రాష్ట్రంలోని జనగామ జిల్లా బచ్చన్నపేట మండలం కొన్నె గ్రామానికి చెందిన పలువురు యువకులు సంబురాలు చేసుకున్నారు. ఈ గ్రామానికి చెందిన బుస్సా కృష్ణ 2019లో తన ఇంటి ఆవరణలో ట్రంప్‌ విగ్రహాన్ని ఏర్పాటు చేసి పూజలు చేసేవాడు. ట్రంప్‌కు భారతదేశం, తెలంగాణ అంటే విపరీతమైన అభిమానమని, అందుకే తాను ఆయన్ను దేవుడిలా పూజిస్తానని కృష్ణ పలు సందర్భాల్లో చెప్పారు. 2020 అక్టోబరు 12న అనారోగ్యంతో కృష్ణ చనిపోయాడు. తాజాగా ట్రంప్‌ ఎన్నికల్లో విజయం సాధించిన  నేపథ్యంలో పలువురు గ్రామస్థులు ఆయన విగ్రహాన్ని శుభ్రం చేసి క్షీరాభిషేకం చేశారు.