పుష్ప‌2 విల‌న్ల లిస్ట్ పెద్ద‌దేగా!

మ‌రో 20 రోజుల్లో రిలీజ్ కానున్న పుష్ప‌2(Pushpa2) మీద అంచ‌నాలు ఏ రేంజ్ లో ఉన్నాయో ప్ర‌త్యేకంగా చెప్ప‌న‌క్క‌ర్లేదు. రిలీజ్ కు మ‌రో మూడు వారాల టైమ్ ఉన్న‌ప్ప‌టికీ ఓవ‌ర్సీస్ అడ్వాన్స్ బుకింగ్స్ మాత్రం ఎవ‌రూ ఊహించ‌ని విధంగా 30 వేల టికెట్ల‌కు ద‌గ్గ‌ర‌గా వెళ్ల‌డం చూస్తే ప్రీమియ‌ర్స్ నాటికి రికార్డుల సునామీ ఖాయమ‌నేది అర్థ‌మ‌వుతుంది.

ఇక అసలు విష‌యానికొస్తే ఈ సినిమాలో విల‌న్లు చాలా మందే ఉన్న‌ట్లు అర్థ‌మ‌వుతుంది. పుష్ప‌1(Pushpa1)లో విల‌న్ గా ఎక్కువ హైలైట్ అయింది మాత్రం ఫహ‌ద్ ఫాజిలే(Fahad Fassil). అజ‌య్ ఘోష్(Ajay Ghosh) కు స్కోప్ ఎక్కువ ద‌క్కింది కానీ ఆ పాత్ర ఫ‌స్ట్ పార్ట్ లో చ‌నిపోయింది కాబ‌ట్టి సీక్వెల్ లో సునీల్(Suneel), అన‌సూయ(Anasuya) పాత్ర‌ల‌కు ఎక్కువ ఇంపార్టెన్స్ ద‌క్కనుంది.

ఫ‌స్ట్ పార్ట్ లో కాసేపే క‌నిపించిన రావు ర‌మేష్(Rao Ramesh) కు కూడా ఈ సినిమాలో ఎక్కువ ర‌న్ టైమ్ ద‌క్కింద‌ట‌. వీరితో పాటూ జ‌గ‌ప‌తిబాబు(Jagapathi Babu) కూడా ఈసారి పుష్ప‌2లో సంద‌డి చేయ‌నున్నాడు. వీరంద‌రూ ఒకెత్త‌యితే జ‌పాన్ ఎపిసోడ్‌లో ఎదుర‌య్యే కొత్త విల‌న్ల‌తో పుష్ప క్లాష్ నెక్ట్స్ లెవెల్ లో ఉంటుంద‌ని స‌మాచారం. మొత్తానికి పుష్ప‌2 మూడు గంట‌ల పాటూ నాన్‌స్టాప్ గా అంద‌రినీ షాకయ్యేలా చేస్తుంద‌ని చిత్ర యూనిట్ స‌భ్యులు ఊరిస్తున్నారు.