కోలీవుడ్ మ్యూజిక్ డైరెక్ట‌ర్ల‌ను దింపిన రాపో

రామ్ పోతినేని(Ram Pothineni) కొత్త సినిమా రీసెంట్ గానే పూజా కార్య‌క్రమాల‌తో మొద‌లైన విష‌యం తెలిసిందే. టాలీవుడ్ అగ్ర నిర్మాణ సంస్థ మైత్రీ మూవీ మేక‌ర్స్(Mythri movie makers) ఈ సినిమాను నిర్మించ‌నుంది. మిస్ శెట్టి మిస్ట‌ర్ పోలిశెట్టి(Miss Shetty Mr Polishetty) డైరెక్ట‌ర్ మ‌హేష్ బాబు(mahesh babu) ద‌ర్శ‌క‌త్వంలో రూపొందుతున్న ఈ సినిమాలో మిస్ట‌ర్ బ‌చ్చ‌న్(Mr Bachan) తో బాగా పాపుల‌ర్ అయిన భాగ్య‌శ్రీ బోర్సే(Bhagya sri Borse) హీరోయిన్ గా న‌టించ‌నుంది.

ఇదిలా ఉంటే ఈ క్రేజీ మూవీకి కోలీవుడ్ నుంచి ఇద్ద‌రు సంగీత ద‌ర్శ‌కుల్ని ఎంపిక చేసింది చిత్ర యూనిట్. వివేక్(vivek)- మెర్విన్(Mervin) ఈ సినిమాకు సంయుక్తంగా సంగీతం అందించ‌నున్నారు. వీరికి త‌మిళంలో మంచి పేరుంది. అంబులి(ambuli) సినిమా ద్వారా ఇండ‌స్ట్రీకి ప‌రిచ‌య‌మైన వీరు త‌ర్వాత డోరా(dora), ప‌ట్టాస్(Pattas), సుల్తాన్(Sulthan) లాంటి హిట్ సినిమాల‌కు వ‌ర్క్ చేశారు.

రీసెంట్ గా వ‌చ్చిన విజ‌య్ ఆంటోనీ(Vijay Anthony) హిట్ల‌ర్(Hitler) సినిమాకు ప‌ని చేసింది కూడా వీరే. వీరి ఖాతాలో హిట్స్ ఉన్న‌ప్ప‌టికీ వారికి త‌గ్గ గుర్తింపు మాత్రం ఇప్ప‌టివ‌ర‌కు ద‌క్క‌లేదు. ఇప్పుడా గుర్తింపు రామ్(Ram) సినిమా రూపంలో ద‌క్క‌బోతుంది. అనౌన్స్‌మెంట్ ముందు జ‌రిగిన మ్యూజిక్ సిట్టింగ్స్ లో ఫ్రెష్ ట్యూన్స్ ఇచ్చార‌ని టాక్ వినిపిస్తోంది. స‌మ్మ‌ర్ రిలీజ్ టార్గెట్ గా షూటింగ్ జ‌రుపుకుంటున్న ఈ సినిమాలో రామ్ తో పాటూ మ‌రో స్టార్ హీరో కూడా న‌టించ‌నున్న‌ట్లు స‌మాచారం.