బాల‌య్య సినిమా అప్డేట్స్ లేక‌పోవ‌డానికి రీజ‌నేంటి?

వ‌రుస హిట్ల‌తో మంచి జోష్ మీదున్న నంద‌మూరి బాల‌కృష్ణ(Nandamuri Balakrishna) ప్ర‌స్తుతం బాబీ(Bobby) ద‌ర్శ‌క‌త్వంలో త‌న 109(NBK109)వ సినిమాను చేస్తున్న విష‌యం తెలిసిందే. ఈ సినిమా సంక్రాంతికి రిలీజ్ అవుతుంద‌ని తెలిసిన‌ప్ప‌టి నుంచి ఫ్యాన్స్ ఎంతో ఆనందంగా ఉన్నారు. మ‌రోసారి పండ‌గ సెంటిమెంట్ కలిసొస్తుంద‌ని, బాల‌య్య(Balaiah) ఖాతాలో మ‌రో హిట్ ఖాయ‌మ‌ని న‌మ్ముతున్నారు.

అయితే ఈ సినిమాకు సంబంధించిన టైటిల్ ఇప్ప‌టివ‌ర‌కు అనౌన్స్ కాలేదు. ముందు ద‌స‌రా అన్నారు, త‌ర్వాత దీపావ‌ళి అన్నారు. ఆ త‌ర్వాత అనౌన్స్‌మెంట్ వీడియో సీజీ వ‌ర్క్ పెండింగ్ ఉంద‌ని మ‌రో ప‌ది రోజుల‌న్నాడు నిర్మాత నాగ వంశీ(Naga Vamsi). కానీ ఇప్ప‌టికీ బాల‌య్య‌109(Balaiah109) కు సంబంధించిన ప్రొడ‌క్ష‌న్ హౌస్ నుంచి ఎలాంటి అప్డేట్ రాలేదు.

దానికి కార‌ణం డైరెక్ట‌ర్ బాబీ పండ‌గ డెడ్ లైన్ ను రీచ్ అవ‌డానికి ఎక్కువ‌గా క‌ష్ట‌ప‌డుతుండ‌ట‌మే అని తెలుస్తోంది. వాస్త‌వానికి ఈ సినిమా డిసెంబ‌ర్ లోనే రిలీజ్ కావాల్సింది కానీ ఇప్పుడు నెల లేట‌యినా రిలీజ్ డేట్ టార్గెట్ ను అందుకోవ‌డం క‌ష్ట‌మ‌నే విష‌యం ఆశ్చ‌ర్యం క‌లిగిస్తోంది. ఎట్టి ప‌రిస్థితుల్లో బ్యాలెన్స్ షూటింగ్ ను ఈ నెల‌లో పూర్తి చేసి ఆ త‌ర్వాత పోస్ట్ ప్రొడ‌క్ష‌న్ కు కేటాయించాల‌ని చిత్ర యూనిట్ చూస్తుంద‌ట‌. మ‌రి టైటిల్ ను ఎప్పుడు అనౌన్స్ చేస్తారో చూడాలి.