టాక్సిక్ లో యశ్ రోల్ ఇదే

శాండిల్ వుడ్‌లో వ‌రుస హిట్లు అందుకుంటూ టాప్ హీరోగా ఉన్న య‌శ్(Yash) ఖాతాలో మంచి హిట్లు ఉన్న‌ప్ప‌టికీ అత‌ను క‌న్నడ ఇండ‌స్ట్రీ వ‌ర‌కే ప‌రిమిత‌వ్వాల్సి వ‌చ్చింది. ఎప్పుడైతే ప్ర‌శాంత్ నీల్(Prasanth Neel) తో చేసిన కేజీఎఫ్(KGF) భారీ విజ‌యాన్ని అందుకుందో య‌శ్‌కు దేశ వ్యాప్తంగా గుర్తింపు వ‌చ్చింది. ఇప్పుడు య‌శ్, గీతూ మోహ‌న్‌దాస్(Geethu Mohandas) ద‌ర్శ‌క‌త్వంలో టాక్సిక్(Toxic) అనే సినిమా చేస్తున్నాడు.

ఈ సినిమాపై ఎన్నో అంచ‌నాలున్నాయి. దానికి ఏ మాత్రం తీసిపోకుండా భారీ బ‌డ్జెట్ తో ఈ సినిమాను రూపొందిస్తున్నాడు. అయితే ఈ సినిమా గురించి ఇప్ప‌టికే ఎన్నో వార్త‌లు నెట్టింట ప్ర‌చారం అయ్యాయి. టాక్సిక్ లో య‌శ్ మాఫియా డాన్ గా క‌నిపిస్తాడ‌ని కొంద‌రు, అండ‌ర్ క‌వ‌ర్ ఆఫీస‌ర్‌గా న‌టించ‌నున్నాడ‌ని మ‌రికొంద‌రి అన్నారు.

అయితే ఇప్పుడు ఎవ‌రూ ఊహించ‌ని విధంగా ఈ సినిమాలో య‌శ్ లాయ‌ర్ పాత్ర‌ను పోషిస్తున్న‌ట్లు స‌మాచారం. టాక్సిక్ లో య‌శ్ పెద్ద పేరున్న అడ్వ‌కేట్ లా న‌టిస్తున్నాడ‌ట‌. ఇందులో య‌శ్ పాత్ర ఎవ‌రూ ఊహించ‌ని విధంగా ఉంటుంద‌ని చిత్ర యూనిట్ స‌భ్యులు చెప్తున్నారు. ఇందులో య‌శ్ పాత్ర‌ను డైరెక్ట‌ర్ గీతూ బాగా ఎలివేట్ చేయ‌నుందంటున్నారు. య‌శ్ ప్ర‌ధాంగా ఉండే కోర్ట్ సీన్స్ టాక్సిక్ కు హైలైట్ గా నిలుస్తాయ‌ని టాక్ వినిపిస్తోంది. వ‌చ్చే ఏడాది ఏప్రిల్ 10న ఈ సినిమా పాన్ ఇండియా స్థాయిలో రిలీజ్ కానుంది.