మన జగ్గయ్యపేటలో జీ తెలుగు మెగా ఈవెంట్.. జీ తెలుగువారి పెళ్లిసందడి ఈ శనివారం సాయంత్రం 5:30 గంటలకు
నిత్యం వినోదాత్మక కార్యక్రమాలతో తెలుగు ప్రేక్షకులను అలరిస్తున్న జీ తెలుగు బుల్లితెర అభిమానులకు అరుదైన కానుక అందిస్తోంది. తమ అభిమాన సీరియల్ తారలను ప్రత్యక్షంగా కలిసే అద్భుత అవకాశం కల్పిస్తోంది. ఆరంభం నుంచే ఆసక్తికరమైన కథ, ఆకట్టుకునే మలుపులతో కొనసాగుతున్న జీ తెలుగు సీరియల్స్ చిరంజీవి లక్ష్మీసౌభాగ్యవతి , కలవారి కోడలు కనకమహాలక్ష్మి సీరియల్ నటీనటులతోపాటు ఇతర నటీనటులు ఈ నెల 30న(శనివారం) మన జగ్గయ్యపేటలో నిర్వహించనున్న జీ తెలుగువారి పెళ్లి సందడి.. కార్యక్రమంలో పాల్గొనేందుకు రాబోతున్నారు. ఇక ఈ కార్యక్రమానికి ఎనర్జిటిక్ యాంకర్లు రవి, రీతూ చౌదరి వ్యాఖ్యాతలుగా వ్యవహరించనుండగా, ప్రముఖ సంగీత దర్శకులు ఆర్పీ పట్నాయక్, పల్సర్ బైక్ రమణ, పలువురు జీ తెలుగు నటీనటులు సందడి చేయనున్నారు.
జగ్గయ్యపేటలోని శ్రీమతి గంటల శకుంతలమ్మ కాలేజ్ గ్రౌండ్ వేదికగా శనివారం సాయంత్రం 5 గంటల 30 నిమిషాల నుంచి జీ తెలుగువారి పెళ్లిసందడి పేరున ఈ ఆత్మీయ సమ్మేళన కార్యక్రమం జరగనుంది. ఇక ఈ కార్యక్రమంలో భాగంగా జగ్గయ్యపేట ప్రేక్షకులకు జీ తెలుగు మరో సర్ప్రైజ్ని అందించనుంది. ఇందులో భాగంగా మీ టీవీలో 'జీ తెలుగు' ఛానల్ చూస్తూ సెల్ఫీతీసి 7032904615 నెం.కి వాట్సాప్ చేస్తే మీ అభిమాన తారలు నేరుగా మీ ఇంటికి వచ్చి ఆతిథ్యం స్వీకరిస్తారు.
ఈ కార్యక్రమంలో భాగంగా జీ తెలుగు తారలు తమ అభిమానులతో కలిసి పలు కార్యక్రమాల్లో పాల్గొంటారు. అనంతరం సెల్ఫీ తీసుకుని పంపించిన కొందరు అభిమానుల ఇళ్లను సందర్శించి వారితో ముచ్చటించి సాయంత్రం ఐదు గంటలకు వేదిక వద్దకు ఊరేగింపుగా బయలుదేరుతారు. అభిమానుల కోలాహలంతో సందడిగా సాగనున్న ఈ కార్యక్రమంలో చిరంజీవి లక్ష్మీసౌభాగ్యవతి సీరియల్ నుంచి లక్ష్మి(మాహి గౌతమి), మిత్ర(రఘు) , కలవారి కోడలు కనకమహాలక్ష్మి సీరియల్ నుంచి కనకమహాలక్ష్మి(యుక్త మల్నాడ్), విష్ణు విహారి(జైధనుష్)తో పాటు ఇతర నటీనటులు పాల్గొని సందడి చేయనున్నారు. అంతేకాదు ఈ వేదిక నుంచి ప్రముఖ సంగీత దర్శకుడు ఆర్పీ పట్నాయక్, సింగర్ పల్సర్ బైక్ రమణ, డ్రామా జూనియర్స్ ప్రేక్షకులను అలరించనున్నారు. బుల్లితెరపై నటనతో అలరిస్తున్న జీ తెలుగు తారలు తమ అభిమానులకు కృతజ్ఞతలు తెలిపేందుకు వచ్చేస్తున్నారు. మరి మీరూ జీ తెలుగు నిర్వహిస్తున్న మెగా ఈవెంట్ జీ తెలుగువారి పెళ్లిసందడి కార్యక్రమంలో పాల్గొని మీ అభిమాన తారలను నేరుగా పలకరించే అవకాశం పొందండి.
జీ తెలుగు చూస్తూ సెల్ఫీ తీసుకుని పంపించండి.. మీ అభిమాన తారలకు ఆతిథ్యం ఇచ్చే అవకాశం అందుకోండి!
