దావోస్ బయల్దేరిన సీఎం చంద్రబాబు
దావోస్‌లో జరగనున్న ప్రపంచ ఆర్థిక సదస్సులో పాల్గొనేందుకు ఆంధ్రప్రదేశ్‌ ముఖ్యమంత్రి చంద్రబాబు నాయుడు ఆదివారం రాత్రి బయల్దేరారు. గన్నవరం విమానాశ్రయం నుంచి ఢిల్లీకి చేరుకున్న ఆయన అక్కడినుంచి దావోస్‌కు వెళ్లనున్నారు. నాలుగు రోజుల పర్యటన ముగించుకుని ఈ నెల 26న అమరావతికి తిరిగి రానున్నారు. పర్యటనలో భాగంగా జ్యురిక్‌-అమరావతి నగరాల మధ్య సిస్టర్‌ సిటీ ఒప్పందం, హిటాచీ సంస్థ, ఫ్రాన్‌హోఫర్‌ అసోసియేషన్‌తో మూడు వేర్వేరు ఒప్పందాలు కుదుర్చుకోనున్నారు. పలు అంతర్జాతీయ సంస్థల సీఈవోలు, అధ్యక్షులు, ఉపాధ్యక్షులతో సమావేశమవనున్నారు. ఏపీ లాంజ్‌లో ప్రధాని నరేంద్రమోదీతో భేటీ కానున్నారు.
Tags :