ఫిలడెల్ఫియాలో భారీ ఏర్పాట్లతో తానా 23వ మహాసభలు
ఉత్తర అమెరికా తెలుగు సంఘం (తానా) 23వ మహాసభలను ఫిలడెల్ఫియాలోని పెన్సిల్వేనియా కన్వెన్షన్‌ సెంటర్‌లో వైభవంగా నిర్వహించనున్నది. జూలై 7,8,9 తేదీల్లో జరిగే ఈ మహాసభల్లో పాల్గొనేందుకు, రాజకీయ, సినీరంగ ప్రముఖులతోపాటు సాహితీవేత్తలు, కవులు, ఇతర కళాకారులు, పారిశ్రామికవేత్తలు, మ్యూజిక్‌ డైరెక్టర్లు హాజరవుతున్నారు. ఈ మహాసభలను ఎంతో ప్రతిష్టాత్మకంగా అంగరంగ వైభవంగా నిర్వహించేందుకు తానా అధ్యక్షుడు అంజయ్య చౌదరి లావు, కాన్ఫరెన్స్‌ కన్వీనర్‌ రవి పొట్లూరి కృషి చేస్తున్నారు. ఈ మహాసభల నిర్వహణకోసం వివిధ రకాల కమిటీలను ఏర్పాటు చేశారు. కాన్ఫరెన్స్‌ కమిటీ చైర్మన్‌గా శ్రీనివాస్‌ లావు, సెక్రటరీగా సతీష్‌ తుమ్మల, ఎగ్జిక్యూటివ్‌ డైరెక్టర్‌గా రవి మందలపు, ఓవర్సీస్‌ డైరెక్టర్‌గా వంశీకోట, మిడ్‌ అట్లాంటిక్‌ రీజినల్‌ రిప్రజెంటేటీవ్‌ సునీల్‌ కోగంటి, ట్రెజరర్‌గా భరత్‌ మద్దినేని, జాయింట్‌ సెక్రటరీగా శ్రీనివాస్‌ కూకట్ల, జాయింట్‌ ట్రెజరర్‌గా వెంకట్‌ సింగ్ ఉన్నారు. వీరితోపాటు అడ్వయిజరీ కమిటీని కూడా ఏర్పాటు చేశారు. ఇందులో గౌతం గోలి, లక్ష్మీదేవినేని, మహేందర్‌ ముసుకు, పురుషోత్తం చౌదరి గూడె, తానా ఫౌండేషన్‌ చైర్మన్‌ వెంకట రమణ యార్లగడ్డ ఉన్నారు.
ఈ మహాసభలకు ముఖ్య అతిధిగా నందమూరి బాలకృష్ణ హాజరవుతున్నారు. సంగీత రారాజు మ్యూజిక్‌ మేస్ట్రో ఇళయరాజా ఈ మహాసభల్లో సంగీత కచేరి చేయనున్నారు. ప్రముఖ నేపథ్యగాయని చిత్ర తన గానంతో అందరినీ పరవశులను చేయనున్నారు. మాజీ వైస్‌ ప్రెసిడెంట్‌ ముప్పవరపు వెంకయ్య నాయుడుతోపాటు ఎంపిలు కనకమేడల రవీంద్ర, తెలంగాణ పిసిసి అధ్యక్షుడు రేవంత్‌ రెడ్డి, బిజెపి తెలంగాణ రాష్ట్ర అధ్యక్షుడు బండి సంజయ్‌, తెలంగాణ మంత్రులు ఎర్రబెల్లి దయాకర్‌ రావు, గంగుల కమలాకర్‌, పువ్వాడ అజయ్‌ వీరితోపాటు సుప్రీంకోర్టు మాజీ ప్రధాన న్యాయమూర్తి డా. నూతలపాటి వెంకటరమణ, దాజి డా. కమలేష్‌ పటేల్‌, నటకిరీటీ రాజేంద్రప్రసాద్‌, మురళీ మోహన్‌, దర్శకుడు కె. రాఘవేంద్రరావు, నటుడు నిఖిల్‌ సిద్దార్థ, హీరోయిన్‌ శ్రీలీల, డిరపుల్‌ హయాతి, ఆనంది, భవ్యశ్రీ, అనసూయ భరద్వాజ్‌, విశ్వక్‌ సేన్‌, శ్రీకాంత్‌, నాగినీడు, అశోక్‌ కుమార్‌, సుహాస్‌, రఘుబాబు, రవివర్మ, భరత్‌రెడ్డి, సుధాకర్‌ కమకుల, డిఫెన్స్‌ అడ్వయిజర్‌ జి. సతీష్‌ రెడ్డి, ప్రముఖ సంగీత దర్శకులు ఇళయరాజా, రాక్‌స్టార్‌ దేవిశ్రీ ప్రసాద్‌తోపాటు గాయనీ గాయకులు చిత్ర, ఎస్‌పిబి చరణ్‌, సునీత, శ్వేత మోహన్‌, కౌసల్య, సుమంగళి, హేమచంద్ర, గీతమాధురి, పృథ్వీ చంద్ర, సాగర్‌, రీట, మౌనిమ సిహెచ్‌, అనిరుధ్‌ సుస్వరం, ఇంద్రావతి చౌహాన్‌ తదితరులు ఈ మహాసభలకు వస్తున్నారు. దర్శకులు, నిర్మాతలు కూడా వస్తున్నారు. దిల్‌రాజు, టి.జి. విశ్వప్రసాద్‌, అనిల్‌ రావిపూడి, నవీన్‌ ఎర్నేని, అస్కార్‌ అవార్డు గ్రహీత చంద్రబోస్‌తో పాటు తెలంగాణ, ఆంధ్రప్రదేశ్‌ రాష్ట్రమంత్రులు, ఎంపిలు, ఎమ్మెల్యేలను కూడా మహాసభలకు రావాల్సిందిగా తానా నాయకులు ఆహ్వానించారు.
ఈ మహాసభలను పురస్కరించుకుని ఎన్నో కార్యక్రమాలను ఏర్పాటు చేస్తున్నారు. అందులో ధీమ్‌ తానా ఒకటి. అమెరికాలోని వివిధ నగరాల్లో ధీమ్‌ తానా పోటీలను నిర్వహిస్తున్నారు. మీపాట, మీ ఆట, మీ అందానికి గుర్తింపు ఇచ్చేలా ఈ పోటీలను తానా నిర్వహిస్తోంది. సోలో సింగింగ్‌, గ్రూపు డ్యాన్స్‌, మిస్‌ టీన్‌ తానా, మిస్‌ తానా, మిసెస్‌ తానా, తానా చిలకగోరింక పేరుతో పోటీలను నిర్వహిస్తున్నారు. ఫైనల్‌ పోటీలను మహాసభల వేదికపై నిర్వహిస్తున్నారు. సిఎంఇ, హెల్త్‌ అండ్‌ ఇన్నోవేషన్‌, ఆధ్యాత్మిక కార్యక్రమాలు, ఫ్యాషన్‌ షో వంటి కార్యక్రమాలు కూడా ఉన్నాయి. అలాగే మహాసభల్లో పలు సాంస్కృతిక కార్యక్రమాలను కూడా ఏర్పాటు చేశారు. తానా కళ్యాణమస్తు పేరుతో వివాహ వేదికను కూడా తానా ఏర్పాటు చేసింది. కాన్ఫరెన్స్‌ సందర్భంగా అమెరికాలోని వివిధ నగరాల్లో ఆటల పోటీలను కూడా నిర్వహించారు. తానా ప్రీమియర్‌ లీగ్‌ పేరుతో క్రికెట్‌ పోటీలను ఏర్పాటు చేశారు. కథాకేళీ పేరుతో కథలు చెప్పే పోటీలు నిర్వహిస్తున్నారు. తానా రీల్స్‌ పేరుతో మీ క్రియేటివిటీని వీడియో రూపంలో ప్రదర్శించే అవకాశాన్ని నిర్వాహకులు కల్పించారు. యువ పారిశ్రామికవేత్తలను ప్రోత్సహించే తానా స్టార్ట్‌ అప్‌ కార్యక్రమాన్ని, ఫ్యాషన్‌ షో, షార్ట్‌ ఫిలింస్‌ వంటి కార్యక్రమాలను, ప్రముఖ కవులతో సాహిత్య కార్యక్రమాలను, బిజినెస్‌ రంగ ప్రముఖులతో సెమినార్‌లు, శ్రీనివాస కళ్యాణం వంటి ఆధ్యాత్మిక కార్యక్రమాలను కూడా కూడా మహాసభల సందర్భంగా ఏర్పాటు చేశారు.
ఈ మహాసభల కోసం పలు కమిటీలను నియమించారు. అలుమ్ని, ఆడియో వీడియో, అవార్డ్స్‌, బాంక్వేట్‌, బడ్జెట్‌, బిజినెస్‌ ఫోరమ్‌, సెలబ్రిటీ కోఆర్డినేషన్‌, సిఎంఈ, కమ్యూనిటీ ఔట్రీచ్‌, కార్పొరేట్‌ స్పాన్సర్షిప్‌, కల్చరల్‌, డెకొరేషన్స్‌, ఆర్ట్స్‌, క్రాఫ్ట్స్‌, ధీమ్‌ తానా, డోనార్‌ రిలేషన్స్‌, ఎగ్జిబిట్స్‌, ఫిలిం ఫోటోగ్రఫీ, ఫుడ్‌, ఫండ్‌ రైసింగ్‌, హాస్పిటాలిటీ - ఆర్టిస్ట్స్‌, హాస్పిటాలిటీ - డోనార్స్‌, హాస్పిటాలిటీ - వీఐపీస్‌, హోటల్స్‌, ఇమ్మిగ్రేషన్‌ ఫోరమ్‌, ఇన్విటేషన్స్‌, లిటరరీ, మాట్రిమోనియాల్‌, మీడియా కమ్యూనికేషన్స్‌, పబ్లిసిటి, మెమెంటోస్‌, శాలువాలు, బౌకెట్స్‌, యన్‌.టి.ఆర్‌ సెంటినరీ సెలెబ్రేషన్స్‌, యన్‌.టి.ఆర్‌ ఫోటో ఎగ్జిబిషన్‌, ఓవర్సీస్‌ కోఆర్డినేషన్‌ - ఆంధ్ర ప్రదేశ్‌, తెలంగాణ, పాఠశాల కంపిటిషన్స్‌, పొలిటికల్‌ ఫోరమ్‌-ఆంధ్రప్రదేశ్‌- తెలంగాణ, పొలిటికల్‌ ఫోరమ్‌-యూఎస్‌ఏ, ప్రోగ్రాం గైడ్‌, పబ్లిసిటి అండ్‌ పబ్లిక్‌ రిలేషన్స్‌, రిసెప్షన్‌, రీజినల్‌ కాన్ఫరెన్స్‌ కమిటీ, రిజిస్ట్రేషన్‌, సెక్యూరిటీ, సీనియర్‌ సిటిజెన్‌ ఫోరమ్‌, సైట్‌ సీయింగ్‌, సౌవెనీర్‌, స్పిరిట్యుయల్‌, స్పోర్ట్స్‌, స్టేజి కోఆర్డినేషన్‌, టెక్నాలజీ - యాప్‌/వెబ్సైటు, టిక్‌ టాక్‌ అండ్‌ షార్ట్‌ ఫిలిం, ట్రాన్స్పోర్టేషన్‌, ట్రావెల్‌, టీటీడీ కళ్యాణం, యూఎస్‌ డిగ్నిటరీస్‌ కోఆర్డినేషన్‌, వెన్యూ కోఆర్డినేషన్‌, వాలంటీర్‌, వెబ్‌, ఉమెన్స్‌ ఫోరమ్‌, యూత్‌ ఫెస్ట్‌, యూత్‌ ఫోరమ్‌ తదితర కమిటీలను ఏర్పాటు చేశారు.
మహా వేడుకకు అందరూ రండి... మహాసభల కన్వీనర్‌ రవి పొట్లూరి
ఉత్తర అమెరికా తెలుగు సంఘం (తానా) 23వ మహాసభలు ఫిలడెల్ఫియాలోని పెన్సిల్వేనియా కన్వెన్షన్‌ సెంటర్‌లో జూలై 7 నుంచి 9వ తేదీ వరకు వైభవంగా నిర్వహిస్తోంది. తానా మహాసభల్లో పాల్గొనేందుకు వచ్చేవారికి నచ్చేలా కార్యక్రమాలు, ఏర్పాట్లు చేశాము. ఎక్కడా లోటు కనిపించనీయకుండా వివిధ కమిటీలు నిర్విరామంగా పనిచేస్తున్నాయి. యూత్‌ నచ్చే కార్యక్రమాలు, మహిళలకోసం ప్రత్యేకంగా కార్యక్రమాలు, బిజినెస్‌ కమ్యూనిటీకోసం సెమినార్‌లు, వైద్యరంగంలో మార్పులపై నిష్ణాతులతో సదస్సు, యూత్‌లో ఉన్న ప్రతిభను వెలికితీసేలా స్టార్టప్‌ వంటి ఇతర కార్యక్రమాలు, మీట్‌ అండ్‌ గ్రీట్‌ కార్యక్రమాలు వంటివి ఉన్నాయి. ఇది కాకుండా అమెరికాలోని మనవాళ్ళ ప్రతిభను చాటేలా సాంస్కృతిక కార్యక్రమాలు, ఇండియా నుంచి వచ్చే కళాకారులతో ప్రత్యేక కార్యక్రమాలు కూడా మహాసభల్లో చోటు చేసుకున్నాయి. వివిధ రంగాల నుంచి ప్రముఖులుగా ఉన్నవారు ఈ మహాసభలకోసం ప్రత్యేకంగా వచ్చి తమ సందేశాలను ఇవ్వనున్నారు. టాలీవుడ్‌ నుంచి పలువురు సినీతారలు, దర్శకులు, నిర్మాతలు, గాయనీ గాయకులు మహాసభలకు తరలివస్తున్నారు. ఎంతోమంది వస్తున్న ఈ మహాసభలకు అందరూ సకుటుంబ సమేతంగా వచ్చి విజయవంతం చేయాలని కోరుతున్నాను.